„საქართველოს რკინიგზის“ ინფორმაციით, პირველი ივლისიდან თბილისი-ბათუმის მატარებლით მგზავრობის საფასური მხოლოდ ბიზნეს და პირველი კლასის ბილეთებზე დაკორექტირდა. 

„საქართველოს რკინიგზის“ პრესსამსახურის ინფორმაციით, ცვლილებები ეკონომკლასის ბილეთებს არ ეხება. 

რკინიგზის საზოგადოებასთან ურთიერთობის სამსახურის ხელმძღვანელი დაჩი ცაგურია მატარებლის ბილეთების ფასებთან დაკავშირებით განმარტავს, რომ მას შემდეგ, რაც რკინიგზამ მიიღო გადაწყვეტილება, ბიზნეს და პირველი კლასის ბილეთების სუბსიდირება აღარ მოხდეს, თანხები დაკორექტირდა და 45 ლარიდან 60 ლარამდე გაიზარდა. რკინიგზაში ამბობენ, რომ, თუკი მგზავრს დამატებითი კომფორტი და ბიზნეს კლასით მგზავრობა სურს, ამ მიმართულებით, რკინიგზამ სუბსიდირება აღარ უნდა მოახდინოს. რაც შეეხება ეკონომკლასის ბილეთის ფასებს, დაჩი ცაგურია განმარტავს, რომ ისევე, როგორც გასულ წლებში, წელსაც ეკონომკლასის ბილეთის ფასი მხოლოდ ორი თვის განმავლობაში, სეზონზე 24 ლარი ღირს, ხოლო არასეზონურ პერიოდში ბილეთის ღირებულება 18 ლარია. როგორც რკინიგზაში განმარტავენ, ეკონომკლასის ბილეთების სუბსიდირებას რკინიგზა კვლავ განაგრძობს. 

ჯერ უცნობია, ბიზნეს და პირველი კლასის ბილეთის გაზრდილი ფასები არასეზონურ პერიოდშიც უცვლელი დარჩება თუ კვლავ დაკორექტირდება. ამის შესახებ რკინიგზაში მოგვიანებით გააკეთებენ განცხადებას.

დატოვეთ კომენტარი

კომენტარები

Загрузка...