უფლებადამცველი  და  საქართველოს ადვოკატთა დამოუკიდებელი პროფკავშირის თავმჯდომარე_  გიორგი თევზაძე განცხადებას ავრცელებს:

,,ადვოკატთა ასოციაციის წევრები და ადვოკატთა დამოუკიდებელი პროფკავშირის  თანადამფუძნებლები _ დავით ახალაური და ფრიდონ სიხუაშვილი  იმყოფებოდნენ ზვარეში და ადგილზე გაეცვნენ  იქ არსებულ ვითარებას. შეხვდნენ და  გაესაუბრნენ დაზარალებულ ქართველებს, რომლებიც ჩინური კომპანიის თანამშრომლებმა სასტიკად ცემეს. ქართველმა მუშებმა ცემის შემეგად მიიღეს სხეულის სხვადასხვა დაზიანებები და ეს ჩაიდინეს  ჩინეთის სახალხო რესპუბლიკის მოქალაქეებმა. ადვოკატთა დამოუკიდებელი პროფკავშირის წევრები, ადვოკატები _ დავით ახალაური და ფრიდონ სიხუაშვილი დაიცავენ  დაზარალებულების:  გიორგი პირველაშვილის, ბაქარი სარალიძის, შოთა გურულის ინტერესებს  როგორც სამართალდამცველ უწყებებში, ასევე სასამართლოში.

ადვოკატების ინფორმაციით, ჩინეთის მოქალაქეების მიერ ნაცემ დაზარალებულებს, რომელთა ჯანმრთელობის მდგომარეობა მძიმე იყო,  გუშინ, საავადმყოფოში მკურნალობის საფასურის გადახდის საშუალება არ ჰქონდათ, ვინაიდან ჩინური კომპანია მათ ზიანს არ უნაზღაურებს. დავით ახალაურმა და ფრიდონ სიხუაშვილმა განაცხადეს, რომ სასამართლოში დაზარალებულების სასარგებლოდ ფიზიკური და მორალური ზიანის ანაზღაურებას მოითხოვენ და მოუწოდებენ სამართალდამცავ სტრუქტურებს მხარში დგომისკენ,  ეფექტური,  სამართლიანი გამოძიებისკენ. არ შეძლება ჩვენი მოქალაქეების უფლებებზე მაღლა დავაყენოთ საქართველოში შემოსული ნებისმიერი კონპანიის ინტერესები.  ჩვენის მხრივ აღნიშნული ფაქტი აყვანილია კონტროლზე და მიმდინარეობს საზოგადოებრივი მორიტორინგი.`

წყარო postalioni.com

დატოვეთ კომენტარი

კომენტარები

Загрузка...