რომან გოცირიძის ინიციატივა, საზოგადოებრივი მაუწყებლის დაფინანსების წესის შეცვლაზე, „ნაციონალური მოძრაობის“ პოლიტიკურ ხედვებს ასახავს -განაცხადა პარლამენტის ვიცე-სპიკერ გია ვოლსკიმ.

დღევანდელ ბიუროს სხდომაზე რომან გოცირიძის საკანონმდებლო ინიციატივით მაუწყებლის დაფინანსების წესის ცვლილება დარეგისტრირდა.

„საზოგადოებრივი მაუწყებლის დაფინანსების წესზე რომან გოცირიძის საკანონმდებლო ინიციატივას უარყოფითად შევაფასებ, ვინაიდან მნიშვნელოვანი აქცენტი ფრაქცია „ნაციონალური მოძრაობის“ მხრიდან კეთდება არა იმ თემაზე რასაც ჰქვია ნამდვილად დამოუკიდებელი საზოგადოებრივი მაუწყებლის მიღება, არამედ პოლიტიკურ ხედვებზე, რომელიც მათ გააჩნიათ.

ვფიქრობ, რომ საზოგადოებრივი მაუწყებლის საერთაშორისო ორგანიზაციის მაღალი დონის წარმომადგენლებმა საკმაოდ საინტერესო სიღრმისეული ანალიზი გააკეთეს.

ოპოზიციას ან ამ რეკომენდაციებისთვის არ მოუსმენია, ან როგორც ვთქვი, გარკვეული პოლიტიკური მიზნები ამოძრავებს”,- განაცხადა ვოლსკიმ.

ამაზე, ევროპის მაუწყებელთა კავშირი (EBU) „ნაციონალური მოძრაობის“ ინიციატივაზე სპეციალურ წერილს ამზადებს.

დატოვეთ კომენტარი

კომენტარები

Загрузка...