ბორჯომის მოსახეობაში შფოთვა ყოვედღიურად მატულობს და აქამდე ჩურჩულით წარმოთქმულ პრეტენზიებს ნელ-ნელა ომახიანობას მატებენ. რა ხდება ამ პატარა, საკურორტო ქალაქში, რომელსაც სიცოცხლე მხოლოდ ზაფხულში, ტურისტებისა და დამსვენებლის შემოსვლასთან ერთად ეძლევა, ამის შესახებ ჩვენი სტატიიდან შეიტყობთ.

მოდით, თავდაპირველად განვიხილოთ ბორჯომის, როგორც კურორტის მთავარი უპირატესობები, რის გამოც იგი საინტერესო და მიმზიდველია ვიზიტორებისათვის: გეოგრაფიული მდებარეობა, ბუნება, განსაკუთრებული ჰავა,  სამკურნალო მინერალური წყლები  და ისტორიულ-კულტურული მემკვიდრეობა _ ესაა ძირითადი ჩამონათვალი, რაც ბორჯომს განსაკუთრებულსა და უნიკალურს ხდის. სამწუხაროდ,უკანასკნელი წელიწადის განმავლობაში  საშუალო ფენის საზოგადოების წარმომადგენლებს ნელა-ნელა, ეტაპობრივად, ირიბად თუ პირდაპირ შეეზღუდა  ბუნებრივი   სიმდიდრეებისაგან სარგებელობის  მიღებისა და საჯარო ტერიტორიებთან წვდომის უფლება.

თვალსაჩინო მაგალითად გამოდგება ბორჯომში, კერძოდ ლიკანის ტერიტორიაზე არსებული ისტრორიულ-კულტურული მემკვიდროების ძეგლის _ რომანოვების სასახლის საკითხი. წლების განმავლობაში ამ ადგილის  დათვალიერება  და  რომანოვების უმშვენიერეს ბაღში სეირნობა შეეძლო ნებისმიერ მსურველს, დღეს კი რა ხდება?! _ ტერიტორია მთლინად დაკავებული აქვს სასტუმრო „Rixos“-ს. თუ მისი სტუმარი არ ბრძანდები,  რომლებსაც ყველა, დაცვიან მომსახურე პერსონალიანად კუდისქიცინით ესაუბრება, ჭიშკართან ჩამომდგარი შარვალ-კოსტუმში გამოწყობილი, კარგად ნაკვები ბიჭები, დაზეთილი სახეებითა და მბრძანებლური ტონით  უკან გაბრუნებას  გაიძულებენ.  მოკლედ, რომ ვთქვათ, თუ ფული არ გაქვს, რომ რიქოსში დაისვენო, რომელშიც გატარებული ორი ღამის საფასურად  ადამიანები კვირაობით ქირაობენ ბინას  საოჯახო სასტუმროებში, შანსიც არ გქონია დაათვალიერო ადგილი, რომელიც ერთ დროს საქართველოს კულტურულ მემკვიდრეობას წარმოადგენდა, დღეს კი რა სტატუსის მატარებელი იგი, ბურუსით არის მოცული. ზუსტად არავინ იცის, რა სახის დანაშაულთან გვაქვს საქმე, ფარულად და უკანონოდ გასხვისებულ კულტურულ მემკვიდრეობასთან თუ საჯარო ტერიტორიაზე შესვლის უფლების არაკანონიერად აკრძალვასთან.

ეგრეთ წოდებული პლატოს ტყე სანიტარული ჩეხვის მსხვერპლი გახდა, რომელსაც სულ მცირე ხანში მინდვრებად ქცევის საშიშროება ემუქრება. მოსახლეობაში გავრცელებულია აზრი, რომ ხეებს მიზანმიმართულად გაუჩინეს ჭია, რამაც მათი თითქმის 70-80 % გაახმო, საინტერესოა , რაიმე კავშირი ხომ არ აქვს ამ უმოწყალო ჩეხვას ჯერ კიდევ რამოდენიმე წლის წინ ირანელებთან დაგეგმილ პროექტთან, რომელი ითვალისწინებდა პლატოს ტერიტორიაზე სასტუმრო კომპლექსების მშენებლობას?!

წყალზე რაღა ვთქვათ, რომელიც ყველზე ძვირფასი განძია არამხოლოდ  ბორჯომისათვის, არამედ სრულიად საქართველოსათვის. ბაყბაყ-დევები ჯერ წყლის რაოდენობის შემცირებას გვაჩვევენ, რათა გარკვეული დროის შემდეგ სამკურნალო და მინერალური წყლის გარეშე დარჩენილმა მოსახლეობამ ადგვილად და უმტკივნეულოდ შეძლოს მოჭერილ მარყუჟების ატანა.

ვნახოთ, სამომავლოდ  რა ბედი ეწევა გაძარცვულ და ჯერ კიდევ კანონიერი ძარცვის პროცესსში მყოფ ბორჯომს, დაუტოვებენ ამ ადგილს რაიმე ღირებულს, რის გამოც ოდესღაც სხვადასხვა ქვეყნებიდან სპეციალურად ჩამოდოდნენ ტურისტები?!

მარიამ მახნიაშვილი

წყარო: postalioni.com

დატოვეთ კომენტარი

კომენტარები

Загрузка...