დაახლოებით ნახევარი საუკუნის წინ, კორნელის უნივერსიტეტის ასტრონომმა ფრენკ დრეიკმა ჩაატარა პროექტი Ozma — SETI-ს (არამიწიერ ცივილიზაციათა ძებნა) პირველი სისტემატიური კვლევა გრინ-ბენკის ეროვნული რადიოასტრონომიის ობსერვატორიაში.

მას შემდეგ, მეცნიერებმა მრავალი კვლევა ჩაატარეს იმ იმედით, რომ იპოვიდნენ „ტექნოხელწერას“ — ანუ, ტექნოლოგიურად მოწინავე (მაგალითად რადიოკომუნიკაციები) სიცოცხლის მტკიცებულებას.

გარკვევით რომ ვთქვათ, თუკი კაცობრიობა ამწუთას მიიღებს შეტყობინებას არამიწიერი ცივილიზაციისგან, ეს იქნება ერთადერთი და განუმეორებელი, უდიდესი მოვლენა ჩვენი ცივილიზაციის ისტორიაში.

მაგრამ ახალი კვლევის მიხედვით, ასეთი შეიტყბინება შესაძლოა, სერიოზულ რისკს წარმოადგენდეს კაცობრიობისთვის. იმ მრავალ შესაძლებლობას შორის, რომლებიც დეტალურად შეისწავლეს, მკვლევრებმა მხედველობაში მიიღეს თუ როგორ დაიცავს კაცობრიობა თავს მავნე ვირუსებისაგან.

კვლევას უძღვებოდნენ გერმანიის სონებერგის უნივერსიტეტის დამოუკიდებელი მეცნიერი მაიკლ ჰიპლე და ჰავაის უნივერსიტეტის პროფესორი ჯონ ლერნედი.

ერთობლივად, მათ შეამოწმეს ადრინდელი დასკვნები არამიწიერ ცივილიზაციათა შესახებ და შეეცადნენ გამოერკვიათ მათ შორის უფრო შესაძლებელი შემთხვევა.

უნდა აღინიშნოს ისიც, რომ არამიწიერი ცივილიზაცია კაცობრიობისადმი საფრთხეს მხოლოდ სამეცნიერო ფანტასტიკის სიუჟეტებში როდი შეიძლება წარმოადგენდეს. ათლწეულების განმავლობაში, მეცნიერები ამას მკაფიო შესაძლებლობად განიხილავდნენ და მსჯელობდნენ, გადაწონიდა თუ არა ეს რისკები შესაძლო სარგებელს.

შედეგად, ზოგიერთი თეორია გვთავაზობს, რომ ადამიანები სრულიად უნდა შეეშვან არამიწიერ ცივილიზაციათა ძებნას, თორემ წინააღმდეგ შემთხვევაში, იძულებული ვიქნებით, როგორღაც დავმალოთ ჩვენი პლანეტა.

როგორც ლერნედმა გამოცემა Universe Today-ს განუცხადა, არამიწიერ ცივილიზაციათა ძებნის მკვლევრებს შორის არასოდეს არსებობს კონსნენსუსი იმასთან დაკავშირებით, იქნება თუ არა არამიწიერი ცივილიზაცია კეთილმოსურნე.

„სულაც არ არსებობს მყარი მიზეზი, რომ ისინი კეთილმოსურნენი იქნებიან.

ხელთ მაქვს გაცილებით მყარი ანალოგები ჩვენივე საკუთარი ისტორიიდან… არსებობს სადმე, რომელიმე საზოგადოება, რომელსაც ტექნოლოგიურად მასზე უფრო მოწინავე დამპყრობელთან შეხვედრის კარგი გამოცდილება აქვს? რა თქმა უნდა, შესაძლოა გამონაკლისებიც არსებობდეს, მაგრამ ხშირად ვფიქრობ ფილმ „უცხოზე“, რომელიც საკმაოდ მახვილგონიერად მიმაჩნია“.

გარდა ამისა, ვარაუდი, რომ უცხოპლანეტელთა შეტყობინება შეიძლება კაცობრიობისადმი საფრთხეს შეიცავდეს, საკმაოდ პრაქტიკულია.

სამყაროს თვალუწვდენელი ზომებისა და სპეციალური ფარდობითობის მიერ დაწესებული შეზღუდვებიდან (არაფერს შეუძლია სინათლეზე სწრაფად მოძრაობა) გამომდინარე, ყოველთვის უფრო იაფი და მარტივი იქნება მავნებელი შეტყობინების გაგზავნა ცივილიზაციის მოსპობის მიზნით, ვიდრე უშუალოდ, ხომალდებით შეჭრა.

განაგრძე კითხვა

დატოვეთ კომენტარი

კომენტარები

Загрузка...