“დიდი მადლობა, კაპიტანო”, -სწორედ ამ სიტყვებით ემშვიდობება საქართველოს რაგბის კავშირი საქართველოს ყველა დროის საუკეთესო მოთამაშესა და გუნდის კაპიტანს მამუკა გორგოძეს, რომელიც ბორჯღალოსანთა რიგებს ტოვებს. მამუკა გორგოძე რაგბს 2000 წლიდან თამაშობს. მისი კარიერა “ლელოში” 16 წლის ასაკში დაიწყო, რომელიც 2004 წელს საქართველოს ჩემპიონობოთ დაგვირგვინდა. 2005-2014 წლებში კი, ტოპ 14-ის “მონპოლიეს” ღირსებას იცავდა, სადაც გაითქვა მან სახელი და ფინალში გავიდა. 2012-2013 წლების სეზონზე ტოპ-14-ის და “ჰაინეკენის თასის” იანვრის საუკეთესო მოთამაშედ აღიარეს. 2014 წლიდან “ტულინში” გადავიდა და საფრანგეთის ჩემპიონატის ფინალში ითამაშა. ბორჯღალოსნების კვართით 71 სატესტო თამაში აქვს ჩატარებული, საიდანაც 13 კაპიტნის რანგში. მას 26 ლელო აქვს საქართველოს სახელით დადებული და საუკეთესო მელელოვედ არის აღიარებული. იგი 6-ჯერ საქართველოს საუკეთესო მორაგბე გახდა, ხოლო 2011 წელს საქართველოს საუკეთესო სპორტსმენი. საქართველოს სახელით იგი 4-ჯერ გახდა მსოფლიო თასზე საუკეთესო მოთამაშე. 2015 წელს მსოფლიო თასზე კაპიტნის სტატუსით ასპარეზობდა და საქართველოსთვის ისტორიული შედეგის მიღწევაც მოახერხა ორი თამაშის მოგებითდა 2019 წლის მსოფლიო თასზე საგზური ნაადრევად მოიპოვა. მამუკა გორგოძე აცხადებს, რომ ნაკრებიდან წასვლას 2015 წლის მსოფლიო თასის შემდეგ აპირებდა, მაგრამ თხოვნის შედეგად დარჩა, ახლა კი 33 წლის ასაკში ფიქრობს, რომ ცუდად თამაშს სახელოვნად წასვლა ჯობია, რადგან, მისი აზრით, 2019 წელს მსოფლიო ჩემპიონატზე გუნდს სათანადო შედეგს ვერ მოუტანს და ადგილს ტყუილად დაიკავებს. საქართველოს ნაკრები უკვე მსოფლიო ჩემპიონატისთვის მზადებას იწყებს, მინდა ბორჯღალოსნებს წარმატება ვუსურვო და მამუკა გორგოძეს კი იგივე სიტყვებით დავემშვიდობო ,,დიდი მადლობა, კაპიტანო!”.

წყარო საქართველოს რაგბის კავშირი

ანა ნაზღაიძე

დატოვეთ კომენტარი

კომენტარები

Загрузка...