რეგიონული განვითარებისა და ინფრასტრუქტურის სამინისტრომ წყნეთი-სამადლოსა და წყნეთი-ახალდაბის დაახლოებით 4-კილომეტრიანი საავტომობილო გზის რეაბილიტაცია დაასრულა.

გზის მონაკვეთი 2015 წლის 13 ივნისის სტიქიის შედეგად დაზიანდა.

გზის რეაბილიტაციის პროექტი ევროპის საინვესტიციო ბანკის დაფინანსებით განხორციელდა და მისი ღირებულება 29 მილიონ ლარს სცდება.

დასრულებული პროექტის ფოტოები ინფრასტრუქტურის სამინისტრომ და დედაქალაქის მერიამ გამოაქვეყნა.

დასრულებული გზა ინფრასტრუქტურის მინისტრმა მაია ცქიტიშვილმა, თბილისის მერმა კახა კალაძემ და ევროპის საინვესტიციო ბანკის წარმომადგენლებმა დაათვალიერეს.

დატოვეთ კომენტარი

კომენტარები

Загрузка...