ინგლისში, ლონდონის სამეფო ოპერის სახლის ოფიციალურ საიტზე, განყოფილებაში, სადაც ეტიკეტის, ქცევის ნორმების და დრესკოდის შესახებ წერია ინფორმაცია, ვკითხულობთ: “არ არსებობს არანაირი დრესკოდი, თავისუფლად ჩაიცვით, რაც მოგესურვებათ”. შესაბამისად, მკაცრი რეგულაცია ტანსაცმელთან დაკავშირებით არ არსებობს. მაგრამ რადგან ოპერა იმ კულტურულ აქტივობად ითვლება, რომელიც მაღალ კლასს და გლამურულ ატმოსფეროს მასპინძლობს, საზოგადოებაში ჩნდება არაფორმალური ეტიკეტის განცდა, რომ მამაკაცები კოსტუმებში, ქალები კი ძვირფას სამოსში და სამკაულებში უნდა გამოცხადდნენ.

ბრიტანულ ჟურნალ “ტელეგრაფში” გამოქვეყნებულ სტატიაში “ბალეტისა და ოპერის წარმოდგენაზე ქცევის ეტიკეტი დამწყებთათვის”, პირველი პუნქტი ეძღვნება იმას, თუ როგორ უნდა ჩაიცვათ, როდესაც ოპერაში მიდიხართ. “ნუ იღელვებთ იმაზე, თუ რა ჩაიცვათ. ზოგ გალა წარმოდგენებზე სპეციფიკური დრესკოდი წესდება, მაგრამ ყველა სხვა შემთხვევაში, შეგიძლიათ რაც გაგიხარდებათ, ის ჩაიცვათ. გამოეწყვეთ ისე, როგორც მაგალითად, თეატრში წასვლისას იმოსებით”.

წყარო:ambebi.ge

2bccdd58c77266c3ca51f994791aa905

61fdae9e987a8e8a02c6293f801c50b4

დატოვეთ კომენტარი

კომენტარები

Загрузка...