ამ დროისთვის ცნობილია, რომ მთავარი ცვლილება მთავრობაში ეკონომიკურ გუნდს შეეხება.

კიდევ ერთი საკადრო ცვლილება, რომელიც ამ დროისთვის დადასტურებულია, საგარეო საქმეთა მინისტრს უკავშირდება. მიხეილ ჯანელიძის შემცვლელად საქართველოს ელჩი ამერიკის შეერთებულ შტატებში, დავით ბაქრაძე განიხილება.

მინისტრის სავარძელს ემშვიდობება ეკონომიკის მინისტრი დიმიტრი ქუმსიშვილიც. მის შემცვლელად ინფრასტრუქტურის მინისტრი, მაია ცქიტიშვილი განიხილება.

მამუკა ბახტაძე პრემიერმინისტრობის უკვე ოფიციალური კანდიდატია. მისი პრემიერად წარდგენის შესახებ განკარგულებას პრეზიდენტმა ხელი დღეს მოაწერა. დოკუმენტი უკვე გაეგზვნა უმაღლეს საკანონმდებლო ორგანოს. ასე, რომ მთავრობის მეთაურს კაბინეტის ახალი შემადგენლობით , პარლამენტში უკვე ოთხშაბათს ელოდებიან.

ფინანსთა მინისტრობის მოვალეობის შემსრულებელი მამუკა ბახტაძე გუშინ ქართულმა ოცნებამ პრემიერმინისტრობის კანდიდატად დაასახელა.

გიორგი კვირიკაშვილმა პრემიერმინისტრის თანამდებობა 12 ივნისს დატოვა. ამის მიზეზად მან პარტიის თავმჯდომარესთან აზრთა სხვადასხვაობა დაასახელა.

დატოვეთ კომენტარი

კომენტარები

Загрузка...