სინოპტიკოსების ინფორმაციით, საქართველოს ყველა რეგიონში მოსალოდნელია ძლიერი ქარი და ნალექების ინტენსივობის კლება.

“ქარია მოსალოდნელი საქართველოს ყველა რეგიონში, ოღონდ ნალექების ინტენსივობა იკლებს და შეწყდება ნალექი, ზოგან კი დარჩება დაბალი ტემპერატურის ფონზე. დასავლეთ საქართველოში 5-10 გრადუსი, აღმოსავლეთ საქართველოს ბარში დღის მაქსიმალური ტემპერატურა 3-8 გრადუსი იქნება. 11 იანვარს დასავლეთ საქართველოში ნალექი შეწყდება და უმეტესად უნალექო ამინდია მოსალოდნელი. თუმცა, ქარის მიმართულება შეიცვლება და ზემო იმერეთსა და კოლხეთის დაბლობზე, ძლიერ აღმოსავლეთის ქარს უნდა ველოდოთ, ზოგან ძლიერს – 20-25 მეტრს წამში”, – განუცხადა “პირველს” ჰიდრომეტეოროლოგიური პროგნოზების სამმართველოს უფროსმა სვეტლანა ნიორაძემ.

მისივე ცნობით, აღმოსავლეთ საქართველოში ისევ დაბალი ტემპერატურა ნარჩუნდება, უმეტესად თოვლის სახით. სინოპტიკოსები აქ მცირე ნალექს ელოდებიან. ჰაერის ტემპერატურა 3-8 გრადუსის ფარგლებში იქნება.

11 იანვარს დასავლეთ საქართველოში ტემპერატურა 15 გრადუსამდე მოიმატებს.

რაც შეეხება თბილისს, დედაქალაქში 11 იანვარს დილისა და ღამის საათებში მცირე თოვლჭყაპია მოსალოდნელი.

სინოპტიკოსები 12 იანვარს დასავლეთ საქართველოს უმეტეს რაიონში – წვიმას, მთაში კი თოვლს ელოდებიან.

12, 13 და 14 იანვარს საქართველოში დროგამოშვებით ნალექიანი ამინდია მოსალოდნელი.

pia.ge

დატოვეთ კომენტარი

კომენტარები

Загрузка...