ზაზა ავალიანი სააქციო საზოგადოება „ტუბერკულოზისა და ფილტვის დაავადებათა ეროვნული ცენტრი“-ისგენერალურ დირექტორად 2014 წლის სექტემბერში დაინიშნა. როგორც ბატონი ზაზა აცხადებს, საკმაოდ მძიმე მემკვიდრეობა ერგო:
– ცენტრს დიდი დავალიანება ჰქონდა. მარტო 350 ათასი ლარი მართებდა სხვადასხვა ორგანიზაციების, დაწყებული მსხვილი ფარმაცევტული კომპანიებით დამთავრებული სხვადასხვა წვრილი სერვის-მომწოდებლებით. ამ უკანასკნელში იგულისხმება სამედიცინო საგნები, ინსტრუმენტები, სამეურნეო-კომუნალური გადასახადები, კვება და ა.შ. საერთო ჯამში, ამ ყველაფერმა, როგორც უკვე მოგახსენეთ შეადგიმნა 350 ათას ლარამდე. შედარებისთვის, დღეს ცენტრს დავალიანება არ აქვს და შემოსავლების ზრდაზეა ორიენტირებული.
– ეს ხომ სახელმწიფო სტაციონარია, სადაც პაციენტები არ იხდიან?
– რა თქმა უნდა, პაციენტები არ იხდიან. ჩვენი შემოსავალი შედგება ორი ძირითადი წყაროსგან. პირველი გახლავთ პროგრამული თანხა, რასაც სახელმწიფი რიცხავს ჩვენს ანგარიშზეშესრულებული სამუშაოს ანაზღაურების სახით. მეორე კი, წარმოადგენს ზესტანდარტულ მომსახურებას, რომელსაც ნაწილობრივ იხდის პაციენტიც. მკურნალობის იმ სტანდარტებზეა საუბარი, რომელიც პროგრამულად არ ფინანსდება.
– მაგალითად?
– არის ისეთი კვლევები, რომელიც არ წარმოადგენს ტუბერკულოზის საწინაღმდეგო კვლევების სტანდარტს . მაგალითად, თავის ტვინის ტომოგრაფია, გასტროფიბროსკოპია ან კოლონოსკოპია, რომელიც ვალდებულებითი ნაწილი ტუბერკულოზის კვლევებისა არ გახლავთ. კიდევ ერთი მნიშვნელოვანი დეტალი. თუ კვლევების შედეგად ტუბერკულოზი არ დაუდგინდა პაციენტს, იგი გამოკვლევის თანხას ფარავს. ცენტრს გააჩია ასევე ურგენტული ანუ გადაუდებელი მომსახურება როგორც გეგმიური, ისე არაგეგმიური ოპერაციების ჩათვლით. ეს ის თემებია, რომელიც სხვა დროს არ იყო ცენტრში აქტუალიზირებული და ჩვენ დავძარით. ცხადია, შემოსავლებიც გაიზარდა. ამან მოგვცა საშუალება, რომ მედპერსონალის ხელფასები 65%-მდე გაგვეზარდა. შემოსავლები გაიზარდა კიდევ იმიტომ, რომ ტარიფი გაიზარდა.
– ტარიფის გაზრდა პაციენტის გადახდის უნარიანობაზე არ იმოქმედებს?
– ჩვენი პაციენტი თავის მკურნალობის ფულს თვითონ ხომ არ იხდის. სახელმწიფო უხდის. სახელმწიფოს თანადგომის გარეშე არაფრით ეს საქმე არ გამოვიდოდა. აგიხსნით, რაც მაქვს მხედველობაში.2014 წლამდე ერთი საწოლდღე 35 ლარი ღირდა. დღეს – 132 ლარამდეა გაზრდილი ტუბერკულოზური მენინგიტების შემთხვევაში. მე მხოლოდ ერთი მაგალითი მოგიყვანეთ. სხვანაირად დაწესებულების შენახვა ძალიან გართულდებოდა. კომპლქესში შედის უზარმაზარი შენობა-ნაგებობები, რომელთა შენახვა მძიმე პროცესია. მანამდე, ზამთრის პერიოდში ასეულობით ათასი ლარი იხარჯებოდა გათბობის სისტემის უზრუნველსაყოფად, ცხელი წყლის სტატუსის შენარჩუნებისთვის და სხვა იმ აუცილებელი პირობების შენარჩუნებისთვის, რის გარეშეც ტუბერკულოზის მკურნალობა წარმოუდგენელია. არადა, ეს ხომ თავად ქვეყნისთვის არის ძალიან მნიშვნელოვანი სტრატეგიული პრობლემა. ეს ის დაავადებაა, რომლითაც მსოფლიოში ყოველ 10 წამში ერთი ადამიანი კვდება. მე ახლა ფიქსირებულ-რეგისტრირებულ ფაქტს გეუბნებით და ამის გარდა რამდენია დაურეგისტრირებელი შემთხვევა. თუმცა, ეს ცალკე თემაა.
– ხელფასების ზრდა კარგი სტიმულია, მაგრამ იქნება კი ეს საკმარისი იმისათვის, რომ მედპერსონალმა „ლევი“ შემოსავალზე უარი თქვას?
– ექთნების ხელფასი ჩვენს მოსვლამდე ანუ 2014 წლამდე 300-360 ლარის ფარგლებში მერყეობდა. დღეს ექთანი იღებს 510-დან 1000 ლარამდე პოზიციისა და დატვირთვის მიხედვით. ექიმის ხელფასი იყო ამაზე ოდნავ მეტი (500-700 ლარამდე) და დღეს კი, 1000 ლარზე მეტს იღებენ. [აქ დასამატებელია] შემოსავლების გაზრდამ მოგვცა ასევე საშუალება გვეზრუნა დემოგრაფიაზე და დეკრეტში გასულ თანამშრომლებს ვაძლევთ 500 ლარს. ცოტა ხნის წინ გავხსენით სასადილო. წარმოიდგინეთ, ჩვენი ცენტრის პერსონალის რაოდენობა რამდენიმე ასეულია და აქამდე მათ სასადილო არ ჰქონდათ. ბუნებრივია, პაციენტების კვების ბლოკი ცალკეა. კვება და კვების რაციონი არის აუცილებელი შემადგენელი ნაწილი ტუბერკულოზის საწინააღმდეგო ბრძოლის და ეს ელემენტარული რესურსი არ გააჩნდათ თანამშრომლებს. ეს გავაკეთეთ. ვინაიდან მე ვთვლი, რომ ტუბერკულოზის პროგრამაში ჩართული თანამშრომელი, იქნება ეს ჩვენს ცენტრში თუ რეგიონში, არის ძალიან დასაფასებელი და პატივსაცემი ხალხი, ვინაიდან თავგანწირვის ფასად უწევთ მუშაობა. სამწუხარო სტატისტიკას გაგაცნობთ – ბოლო ოთხი წლის განმავლობაში 50-მდე ჩვენი თანამშრომელი დაავადდა ტუბერკულოზით. აქედან, ჩვენს ხელთ არსებული მონაცემებით ხუთი მათგანი გარდაიცვალა ტუბერკულოზით გამოწვეული გართულებებისგან. ასე და ამრიგად, ჩვენი რისკფაქტორები ძალიან მაღალია და ვცდილობთ, მათთვის მაქსიმალურ ხელშეწყობას და ამით, რისკების მინიმალიზაციას.
– შესაძლებელია კი, რისკების მინიმალიზაცია, როდესაც დაავადებულთან უშუალო შეხება გაქვთ?
– რთულია, მაგრამ შესაძლებელი. კერძოდ, შენობაში გამართულად უნდა მუშაობდეს აერაცია-ვენტილაციის სისტემა, ეპიდემიოლოგიურად საშიში არეალების და გადაადგილების ზონების (მაგ. ლიფტები, კიბის უჯრედები და ა.შ.) გამიჯვნა, უსაფრთხოების საშუალებების გამოყენების მონიტორინგი (პირბადეები, რესპირატორები) და ა.შ.
– ბატონო ზაზა, ცენტრის რამოდენიმე თანამშრომელზე მიმდინარეობს სისხლის სამართლებრივი მოკვლევა. რა გარემოებებს უკავშირდება ეს?
– დაწესებულების სრულყოფილად ფუნქციონირების ერთ-ერთი აუცილებელი კომპონენტია გამართული კონტროლის სისტემა. ამ მიზნით, გავატარეთ მთელი რიგი ღონისძიებები. კერძოდ, შევქმენით სხვადასხვა იმართულების ინსპექტირების ჯგუფები, შეიცვალა ადმინისტრირების სისტემა, რომელმაც კონკრეტული პასუხისმგებლობები დააკისრა ცალკეულ სამსახურებს და პიროვნებებს. შედეგად, გამოვლინდა გარკვეული დარღვევები, რომელიც შესაფასებლად გადაეცათ სამართალდამცველ ორგანოებს.

დატოვეთ კომენტარი

კომენტარები

Загрузка...