ერთ-ერთი გავლენიანი ამერიკული გამოცემა Thrillist აქვეყნებს ევროპის იმ ქვეყნების რეიტინგს, რომლებიც საკუთარი სამზარეულოთი და სასმელითაა განთქმული. რეიტინგში საქართველო მეოთხე ადგილს იკავებს იტალიის, საფრანგეთისა და ესპანეთის შემდეგ.

“საქართველო მოქცეულია ევროპის, შუა აღმოსავლეთისა და აზიის უძველესი სანელებლების გზის შუაში, ამიტომაც ქვეყნის სამზარეულო გამორჩეულია სანელებლებისა და მწვანილეულობის დაუჯერებლად მდიდარი და უნიკალური გამოყენების ტექნიკით.

ისინი იყენებენ ქინძისა და ზაფრანის ისეთ კომბინაციებს, როგორიც სხვა რეგიონებში არსად გვხვდება. ასე მომზადებული კერძები არის დასამახსოვრებელი, მაგრამ დაბალანსებული. მოწინავე კერძი ხაჭაპურია, ნავის ფორმის ცომი, რომელიც ამოვსებულია ყველის გულუხვი ულუფით და უმი კვერცხით. ის ისეთი პოპულარულია, რომ ქვეყანა ცდილობს შექმნას სავაჭრო ნიშანი, რათა არავინ მიითვისოს ის. 

ხაჭაპურს მოსდევს ხინკალი, მოხვეული ცომი, რომელიც ღორის საქონლის ან ცხვრის შეკმაზული ხორცითაა ამოვსებული, მას ხახვსაც უმატებენ.

კუჭმაჭი ნამდვილადაა ის კერძი, რომელიც საქართველოში ყოფნისას უნდა მოითხოვოთ ის მზადდება შიგნეულობისაგან და მთლიანადაა გაჯერებული ნივრის, ხახვის, ქინძის და ბროწეულის ცოცხალი, კაშკაშა წითელი მარცვლების არომატით.

გასინჯეთ ჩახოხბილიც, წიწილის პილპილიანი, მოტკბო წვნიანი და ტყემალიც, რომელიც არის საწებელი ხორცის კერძებისთვის შეზავებული, ქინძით და სხვა ქართული მწვანილეულობით.”- ნათქვამია სტატიაში ქართული სამზარეულოს აღწერისას.

წყარო: presa.ge

დატოვეთ კომენტარი

კომენტარები

Загрузка...