სხვადასხვა ქვეყანაში ფერების მიმართ განსხვავებული დამოკიდებულება აქვთ. შეიძლება ერთი ქვეყნისთვის კონკრეტულ ფერს დადებითი შთაბეჭდილების მოხდენა შეეძლოს, თუმცა აბსოლუტურად მიუღებელი და მეტიც, შეურაცხმოყოფელი აღმოჩნდეს სხვა ქვეყნისთვის. განვიხილიოთ რამდენიმე ძირითდი ფერი:

წითელი– უყვართ მექსიკაში, ნორვეგიაში, ერაყში, მაგრამ არ მოსწონთ ირლანდიაში;  ჩინეთში წითელი ფერი წარმატების, ბედნიერების, დღესასწაულის, ღირსების ნიშანია; ინდოეთში – სიცოცხლის, ენთუზიაზმის სიმბოლოა; სამხრეთ ამერიკაში კი სამგლოვიარო ფერია.

ყვითელი  –  ყველაზე მეტად იპყრობს ადამიანის ყურადღებას და დიდი ხნის განმავლობაში რჩება მეხსიერებაში. ყვითელი ბრაზილიაში სასოწარკვეთილების შეგრძნებას ბადებს; სირიელ მუსლიმებში ის სიკვდილის სიმბოლოა; რუსეთში – ღალატის, განშორების ნიშანია; ჩინეთში კი წითელი ფერის შემდეგ ყველაზე პოპულარულია.

მწვანე  –  უყვართ მექსიკაში, ავსტრალიაში, ირლანდიასა და ეგვიპტეში; მუსლიმანები მიიჩნევენ, რომ ეს ფერი მათ გათვლას იწვევს; მომწვანო ფერი ძალიან სძულთ საფრანგეთში.

ცისფერი  –  ამერიკელებში ერთგულების სიმბოლოა; ინდოეთში – სამართლიანობის ასოციაციას იწვევს; ცისფერი ჩინეთში ერთ-ერთი სამგლოვიარო ფერია; ბრაზილიაში მწუხარების სიმბოლოა; პერუში კი დიდი მოწონებით არ სარგებლობს.

თეთრი  –  მექსიკელების ერთ-ერთი საყვარელი ფერია, ხოლო ჩინეთში – პირიქით, მწუხარების ნიშანია; არაბებისთვის შეურაცხმყოფელია თეთრისა და ცისფერის შეხამება, რადგან ისინი ისრაელის ეროვნული დროშის ფერებია.

ვარდისფერი  –  ამერიკაში კოსმეტიკის შეგრძნებას იწვევს.

ნარინჯისფერი  –  ძალიან მოსწონთ ჰოლანდიელებს.

 

ავტორი: სოსო გაზდელიანი

დატოვეთ კომენტარი

კომენტარები

Загрузка...