სახელების შერქმევის ორიგინალური მეთოდი ავსტრალიელმა მეტეოროლოგმა კლიმენტ რაგმა მოიფიქრა: ის ქარიშხლებს იმ პარლამენტარების სახელებს არქმევდა, რომლებმაც უარი თქვეს მეტეოროლოგიური კვლევების ჩატარებისთვის კრედიტის გამოყოფაზე. ციკლონებისთვის სახელების დარქმევამ მასიური ხასიათი მეორე მსოფლიო ომის დროს მიიღო. ამერიკის სამხედრო-საჰაერო და სამხედრო-საზღვაო ძალების მეტეოროლოგები წყნარი ოკეანის ჩრდილო-დასავლეთ ნაწილში აკვირდებოდნენ. გაურკვევლობის თავიდან ასაცილებლად, სახედრო მეტეოროლოგები ტაიფუნებს თავიანთი ცოლების ან სიდედრების სახელებს არქმევდნენ. სახელების მინიჭების პრინციპი ასეთი გახლდათ: წლის პირველ ქარიშხალს ანბანის პირველ ასოზე დაწყებული ქალის სახელს არქმევდნენ, მეორეს – მეორე ასოზე დაწყებულს და ა.შ.
ტაიფუნებისთვის შედგენილი იყო ქალის 84 სახელისგან შემდგარი ჩამონათვალი, თუმცა 1979 წელს მსოფლიოს მეტეოროლოგიურმა ორგანიზაციამ (BMO), აშშ-ს ნაციონალურ მეტეოსამსახურებთან ერთად, ჩამონათვალი გააფართოვეს. ვინაიდან წყლის აუზი, სადაც ქარიშხლები ყალიბდება რამდენიმეა, სახელების ჩამონათვალიც რამდენიმეს შეადგინეს.

დატოვეთ კომენტარი

კომენტარები

Загрузка...