კარდიოლოგიური კლინიკა „გული“-ს გენერალური დირექტორი, პროფესორი ანზორ მელია ჯანდაცვის სისტემაში ჩატარებულ ერთ-ერთ ტენდერთან დაკავშირებით საუბრობს. ის ამბობს, რომ აღნიშნული ტენდერი ჩატარდა გამოცხადების გარეშე, რადგან უნდოდათ, მათთვის სასურველ სამედიცინო დაწესებულებას გაემარჯვა და მას არ ჰყოლოდა კონკურენტიო.

 ანზორ მელია:

_ აღშფოთებული ვარ რაც მოხდა. ეს ტენდერი გათვლილი რომ ყოფილიყო გეგმიურ ავადმყოფებზე, შეიძლება არაფერი გვეთქვა. ამ შემთხვევაში საუბარია ავადმყოფზე, რომელსაც აქვს ინფარქტის წინა პერიოდი და ავადმყოფს ტკივილი უნდა მოუხსნა ნარკოტიკით. აი, ასეთი შემთხვევის დროს დავრეკეთ აფხაზეთის ჯანდაცვის სამინისტროში და გვითხრეს, რადგან პაციენტი არის აფხაზეთიდან ლტოლვილი, ის უნდა მიიღოს კლინიკამ “ლანცეტი”, რადგან დევნილების მიღებაზე ტენდერში ამ კლინიკამ გაიმარჯვაო. პაციენტმა გვითხრა, რომ აფხაზეთის უზენაეს საბჭოში ჰყავდა მაღალჩინოსანი მეგობარი, რომელიც დაურეკავდა თავის წარმომადგენელს  და პაციენტის ჯანმრთლობის გამო ჩაარიცხნებდა თანხას, მაგრამ გამომდინარე იქიდან, რომ თანხის ჩარიცხვა  ვერ მოხერხდა, უთხრეს, რომ უნდა გადავსულიყო სამკურნალოდ ,,ლანცეტში“.

“ლანცეტი” ჩემს კლინიკაზე უფრო იაფად არ აკეთებს კორონოგრაფიებს. აიღეთ და შეადარეთ ფასები. ჩემთან 550 ლარი ჯდება ეს პროცედურა და ,,ლანცეტში” რაც ღირს, გაარკვიეთ. ლანცეტს ადრე ლიცენზია წაართვეს, აუკრძალეს ყველაფერი, ახლა ვიღაცამ იქირავა და ეს  “ვიღაც” ვინ არის  ყველამ მშვენივრად ვიცით… ცოცხალი თავით მწვავე ინფაქრტიან ავადმყოფს ქალაქის ერთი ბოლოდან მეორეში არ გადავაყვანინებ, სიცოცხლის ფასადაც რომ დამიჯდეს. ამხელა გზაზე, სადაც მუდმივად საცობებია, როგორ შეიძლება, ინფარქტიანი ავადმყოფი გადაიყვანო? არ არის გამორიცხული, გზაზე ავადმყოფის მდგომარეობა დამძიმდეს, ან გარდაიცვალოს და ამაში ვისი ბრალიც იქნება, მკითხველი მშვენივრად მიხვდება.

არავინ თქვას, რომ ანზორ მელიას არ ჰყავს პაციენტები, მყავს და ეს არის თავდაუზოგავი შრომის, ჩემი ავტორიტეტის შედეგი. მე პირადი ცხოვრება არ მქონია და არც ჩემს უკან დგას თანამდებობის პირი, ან პარლამენტარი. ამ მთავრობამ ბიზნესად აქცია მედიცინა და სულ ამაზე ვჩხუბობ, რომ ასე არ უნდა ხდებოდეს. რატომ არის გაჩუმებული ბატონი აკაკი ზოიძე? _  ჩემი აზრით, ის შეაშინეს. როგორც კი გახდა პარლამენტის ჯანდაცვის კომიტეტის თავმჯდომარე, გამოვიდა და თქვა, სარდაფის კლინიკები უნდა დაიხუროსო, მაგრამ არ დახურულა. ვინც მას განაგებს, ალბათ, ბიძინა ივანიშვილთან არის ახლოს და  ამიტომ ზოიძესაც ეშინია.

ექიმი აპოლიტიკური უნდა იყოს. მე ნაციონალებიც არ მომწონდა და ვამბობდი სიმართლეს. დღეს, ოცნებასთან დაკავშირებული ადამიანები არ მოდიან ნიკას მამის კლინიკაში, რადგან ეშინიათ.

 _ კონკრეტული ფაქტის შესახებ მოგვიყევით, პაციენტი ამჟამად როგორ არის?

_ ამის შესახებ კლინიკა “გული”-ს ინტენსიური განყოფილების გამგე, ჯაბა წივილაძე გიამობთ.

ჯაბა წივილაძე: _ პაციენტს ესაჭიროებოდა სელექციური კორონოგრაფია, ახალი მონაცემების საფუძველზე, ჯანდაცვის სამინისტროდან მას ეკუთვნოდა სელექციური კორონგრაფიისთვის თანხის დამატება, ამ თანხასთან დაკავშირებით ეტყობა ოჯახის წევრებს თავად დაუკავშირდა და ჯანდაცვის სამინისტროდან, სავარაუდოდ, აფხაზეთის ჯანდაცვის სამინიტროდან, მგონი დეპარტამენტის ხელმძღვანელმა განაცხადა, რომ მე ვკურირებ ამ საკითხს და ამ პაციენტს გადავიყვან “ლანცეტში” იმიტომ, რომ გამოცხადებულ ტენდერში სწორედ მან გაიმარჯაო.  საქმე ის გახლავთ, რო  ასეთი ტენდერის შესახებ კი არავინ არაფერი იცოდა. დავუკავშირდით სხვა საავადმყოფოებსაც და არც მათ იცოდნენ რაიმე. აღსანიშნავია, რომ ჩვენ ყოველთვის თვალყურს ვადევნებთ საიტზე მიმდინარე ცვლილებებს. ამის შემდეგ თავად პაციენტმა თქვა უარი აღნიშულ კლინიკაში გადაყვანაზე  და თანხა, რომელიც ჯანდაცვას უნდა დაეფინანსებინა, თავად დაფარა.კლინიკაში “ლანცეტი” მხოლოდ კორონოგრაფიას გაუკეთებდნენ უფასოდ, სხვა დანარჩენი ფასიანი იყო. თვითონ ის ფაქტი, რომ ტენდერი ჩატარდა გამოცხადების გარეშე, ამაზე ვსაუბრობთ. თვითონ დაგვირეკა მანონი გეჯიამ და გვითხრა, უფასოდ გავუკეთებ ინვაზიურ ჩარევასო, როცა ვუთხარით, როგორ თქო, გვითხრა, ლანცეტს ტენდერი აქვს მოგებულიო. “ევრონიუსი” პაციენტს, გიორგი ადამიას ესაუბრა, რომლის გადაყვანაც სურდათ ლანცეტში.

“მე რომ “ლანცეტში” მკურნალობა დამჭირვებოდა, თავიდანვე იქ მივიდოდი. მე მოვედი აქ და მათ ვუთხარი უარი. აქ გამომიყვანეს ძალიან მძიმე მდგომარეობიდან. მათ სიცოცხლე დამიბრუნეს და მადლობელი ვარ კლინიკა “გული”-ს. აღნიშნულ კლინიკაში რომ გავყოლოდი, აუცილებლად დავიღუპებოდი, რადგან, ჩემი გადარჩენის შანსი იყო ძალიან მცირე. მე ვარ საქართველოს მოქალაქე, თავისუფალი კაცი და სადაც მინდა იქ წავალ.

 აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრის მოადგილე, თენგიზ კვირტია ,,ევრონიუს ჰოლდინგთან” საუბრისას ადასტურებს, რომ აღნიშნული ტენდერი ნამდვილად ჩატარდა და მასში მონაწილეობას მხოლოდ და მხოლოდ ორი კლინიკა იღებდა.

თენგის კვირტია:

– სამი ტენდერი ჩატარდა დაახლოებით თებერვალში, რომელშიც რამდენიმე დაწესებულება იღებდა მონაწილეობას. ტენდერის შესახებ ინფორმაცია განთავსდა ჩვენს საიტზე და ყველას შეეძო მონაწილეობა მიეღო, თუმცა ამის შესახებ თუ ვერ გაიგეს, ეს მათი პრობლემაა.  პირველ ტენდერში ტომოგრაფიაზე “ავერსი” და “ლანცეტი” იღებდა მონაწილეობას. “ავერსი”-ს მიერ ბოლო ფასი მესამე რაუნდში დააფიქსირდა – 40 000 ლარი, ხოლო “ლანცეტი”-ს მიერ 38 000 ლარი,  გამარჯვებული გახდა “ლანცეტი”, ვინაიდან დაბალი თანხა ჰქონდა დასახელებული. მეორე იყო კომპიუტერული  ტომოგრაფია,  სადაც მონაწილეობას სამი კლინიკა იღებდა: “ავერსი”, “ლანცეტი” და “პრივატ კლინიკა”. ტენდერი გამოცხადებული იყო 15 ათას ლარზე “ავერსი”-ს მიერ დააფიქსირდა 9 ათასი ლარი “ლანცეტი”-ს მიერ _ 7 800 ლარი, ხოლო “პრივატ კლინიკა”-ს მიერ 7 750 ლარი.  მიუხედავად იმისა, რომ ამ შემთხვევაში ყველაზე დაბალი ფასი წარმოადგინა “პრივატ კლინიკა”-მ, გამარჯვებული მაინც კლინიკა “ლანცეტი” გახდა, რადგან ჩვენ სატენდერო წინადადებაში გვქონდა მოთხოვნა, რომ კომპიუტერული ტომოგრაფი უნდა ყოფილიყო არანაკლებ 32 შრიანი. “პრივად კლინიკა”-ს სამწუხაროდ არ ჰქონდა ამ ტიპის აპარატი და შესაბამისად, გამარჯვებული გახდა “ლანცეტი”, ვინიდან ყველაზე დაბალი ფასი ჰქონდა წარმოდგენილი “პრივატ კლინიკა”-ს შემდეგ, თან აკმაყოფილებდა ყველა პუნქტს.

მესამე ტენდერი იყო კორონაროგრაფია და ასტენოგრაფია, რომელშიც  მონაწილოებდა ასევე “ავერსი”, “ლანცეტი” და “პრივატკლინიკა”. ყველაზე დაბალი ფასი კვლავ “ლანცეტი”-ს მიერ  იქნა შემოთავაზებული და წარმოადგინა ყველა ის პირობა, რომელიც ტენდერში იყო გათვალისწინებული,  სწორედ ამიტომ ისევ მან გაიმარჯვა.

-ბატონო თენგიზ, რამდენად სწორი და გამართლებულია, ინფარქტის ნიშნების მქონე პაციენტის ერთი საავადმყოფოდან მეორეში ტრანსპორტირება? ასეთი მოქმედებები მის ჯანმრთელობას საფრთხეს არ უქმნის?

ჩვენ ხელშეკრულებას მხოლოდ  ტენდერში გამარჯვებულ კლინიკასთან ვდებთ, აქედან გამომდინარე კანონდარღვევა იქნება ჩვენი მხრიდან, ხელშეკრულების დადება და თანხის ჩარიცხვა სხვა კლინიკსთან. მთელი სახსრები მიმართულია იმ კომპანიისაკენ, რომელიც ტენდერშია გამარჯვებული და ამ შემთხვევაში ეს არის “ლანცეტი”.

 

დატოვეთ კომენტარი

კომენტარები

Загрузка...