საქართველოში ცივი და არამდგრადი ამინდი 2 აპრილამდე შენარჩუნდება. ამის შესახებ “პირველს” გარემოს ეროვნული სააგენტოს მოკლევადიანი პროგნოზების სამმართველოში განუცხადეს.

სინოპტიკოსების ინფორმაციით, დღეს დღის მეორე ნახევრიდან საქართველოს უმეტეს დაბლობ რაიონში წვიმა, ხოლო მაღალმთიან რეგიონში თოვლია მოსალოდნელი. ასევე, გაძლიერდება დასავლეთის მიმართულების ქარი.
ჰაერის ტემპერატურა დაიკლებს. დასავლეთ საქართველოში 12-14 გრადუსი იქნება, აღმოსავლეთში – 17-20.
თბილისშიც დღის ბოლოს წვიმა და დასავლეთის მიმართულების ქარის გაძლიერებაა ნავარაუდევი.
29-30 მარტს საქართველოს მთელ ტერიტორიაზე გამოიდარებს, თუმცა 1-2 აპრილს ისევ წვიმა და თოვლია მოსალოდნელი.
27 მარტს საქართველოში მაქსიმალური ტემპერატურა 1917 წელს +26.2 გრადუსი დაფიქსირდა, მინიმალური – 1982 წელს -3.8 გრადუსი.

Pia.ge

დატოვეთ კომენტარი

კომენტარები

Загрузка...