არქიტექტორი თამაზ დოგრაშვილი მიიჩნევს, რომ სასტუმრო “ბილთმორ თბილისის” მსგავსი თამამი ექსპერიმენტებით თბილისი თავის ხიბლს კარგავს და რამდენიმე ასეთი თამამი ექსპერიმენტის განმეორების შემთხვევაში, გაქრება თბილისის ხიბლი და ქალაქური იდენტობა.  ​
dograshvili​​როგორც „სითი კვირას“ თამაზ დოგრაშვილმა განუცხადა, თბილისს აქვს ჩამოყალიბებული ისტორიული მასშტაბი და როდესაც ეს მასშტაბი და კოეფიციენტები ირღვევა, შენობა ქალაქისთვის მექანიკურად უცხო ხდება.​ რამდენიმე არქიტექტორთან ერთად, იგი დიდი ხნის განმავლობაში იბრძოდა ამ მშენებლობის წინააღმდეგ, მაგრამ უშედეგოდ. მიაჩნია, რომ სასტუმრო “ბილთმორის” მსგავსი მშენებლობა თბილისში არ უნდა განხორციელებულიყო, რადგან ის არის უცხო ელემენტი, უცხო ხალხის მიერ შექმნილი და არავითარი ქართული მენტალობა მასში არ იგრძნობა.
„ასეთი უხეში შეცდომებით ვსპობთ ამ უმშვენიერეს ქალაქს. მეთოდურად, შეგნებულად ვანადგურებთ მსოფლიოს კულტურის ​ისეთ მონაპოვარს, რასაც თბილისი ჰქვია და, სამწუხაროდ, ამანტიპროცესის შეჩერება ქართველმა არქიტექტორებმა ვერ მოვახერხეთ, იმიტომ, რომ ჩვენსა და ხელისუფლებას შორის ხიდია ჩანგრეული. ახლა ჟურნალისტები თუ დაგვიდგებით გვერდში. კიდევ რამდენიმე ასეთი თამამი ექსპერიმენტი და თბილისი გაქრება და ის ხიბლი, რასაც ქალაქს აქვს, დაიკარგება“, – განაცხადა დოგრაშვილმა.

ბილთმორ თბილისის” მიმართ კრიტიკულ შეფასებას გამოთქვამს ​არქიტექტორი ვახტანგ დავითაიაც და მიაჩნია, რომ არაბი ინვესტორების მიერ აშენებული სასტუმრო არათუ არ შეეხამება თბილისის ძველ არქიტექტურას, არამედ ​ქალაქის განაშენიანებასთან არაკონტექსტურია​.  1464777566_01“ალბათ, ყველა ადამიანი სხვადასხვაგვარად აღიქვამს ამ შენობას, მაგრამ ის, რა თქმა უნდა, ყოვლად არათბილისურია თავისი განწყობით, თავისი ატმოსფეროთი და არქიტექტურით. სასიხარულოა ყოველი ახალი სასტუმრო ქალაქში. არ მინახავს მისი ინტერიერი, მაგრამ დარწმუნებული ვარ, ძალიან კარგი რესტორანი, ფოიე, დარბაზები, კომფორტული ნომრები ექნებათ და ყველაფერი, რაც სჭირდება შვიდვარსკვლავიან სასტუმროს, მაგრამ არქიტექტურული თვალსაზრისით ამოვარდნილია ქალაქის განაშენიანებიდან”, – მიაჩნია არქიტექტორს.

მისივე თქმით, მაღლივი შენობაც შეიძლებოდა რაღაცნაირად ყოფილიყო დაკავშირებული ადგილობრივ კულტურასთან, ადგილობრივ ატმოსფეროსთან, ადგილობრივ ტრადიციებთან და ა.შ.
„საყოველთაოდ ცნობილია, რომ მინა, როგორც მასალა არის უაღრესად ძნელი მოსავლელი. მას დრო და დრო გარეცხვა სჭირდება. გარდა ამისა, ეს არის შენობა, რომელიც მხოლოდ და მხოლოდ ხელოვნურმიკროკლიმატზეა გათვლილი და დარწმუნებული ვარ, წელიწადის არც ერთი დროს იქ არც ერთი ფანჯარა არ გაიღება”, – აცხადებს ვახტანგ დავიათია.

თბილისში უმაღლესი კლასის სასტუმრო “ბილთმორ თბილისი” გუშინ გაიხსნა, რომელზედაც 140 მილიონი აშშ-ს დოლარის ინვესტიცია დაიხარჯა. შენობის გახსნის საზეიმო ცერემონიაში საქართველოს პრემიერ-მინისტრმა გიორგი კვირიკაშვილმა არაბთა გაერთიანებული საემიროებისკულტურის, ახალგაზრდობისა და სოციალური განვითარების მინისტრ, შეიხ ნაჰიან ბინმუბარაკ ალ ნაჰიანთან ერთად მიიღო მონაწილეობა.
როგორც არაბთა გაერთიანებულისაემიროების შეიხმა ნაჰიან ბინ მუბარაკ ალნაჰიანმა განაცხადა, რუსთაველის გამზირზე განთავსებული სასტუმრო „ბილთმორის” წყალობით, საქართველოს უმნიშვნელოვანესი სახელი და ისტორია დაუკავშირდება სიახლესა და ინოვაციას, 21-ე საუკუნის ეკონომიკურ და სოციალურ ცხოვრებას.
მისივე ინფორმაციით, „ბილთმორის” ქსელის პირველი სასტუმრო ლოს-ანჯელესში ყველასთვის ნაცნობია, განსაკუთრებით კიკინომოყვარულებისთვის, რადგან ის 100-ზე მეტი ფილმის გადაღების ადგილია. შეიხი დარწმუნებულია, რომ კინოს გადაღების ლოკაციის შერჩევისას, ყველა თანამედროვე პროდიუსერი არჩევანს „ბილთმორთბილისზე” შეაჩერებს. „ბილთმორილუქს-კლასის სასტუმროების ბრენდია, რომელმაც საქართველოში Millennium & Copthorne-ისპირველი წარმომადგენლობა გახსნა. „ბილთმორ თბილისს” 216 მაღალი კლასის ნომერი აქვს.

წყარო sity.kvira.ge

დატოვეთ კომენტარი

კომენტარები

Загрузка...