ე.წ დეკანოზის საქმის სკანდალური მოწმე, ირაკლი მამალაძე რუსთავი 2 ის საინფორმაციო სამსახურის ხელმძღვანელის ნოდარ მელაძის და ამავე არხის ჟურნალისტის, თამარ ბაღაშვილის დაკითხვას ითხოვს, ამ პროცესის დასრულებამდე კი ქვეყანაში დაბრუნებას არ აპირებს.

“ქრონიკისთვის“ მიცემულ ინტერვიუში, ირაკლი მამალაძე დეკანოზ გიორგი მამალაძისა და რუსთავი 2 ის დამფუძვნებლების, ძმები ყარამანიშვილიების კავშირების შესახებაც საუბრობს და ამბობს რომ მასზე ნეგატიური სიუჟეტი სწორედ რუსთავი 2-ის მფლობელებმა დაუკვეთეს.

“არხის ჟურნალისტებთან ერთად უნდა დაიკითხოს ირაკლი ფირცხალავაც და გავიგოთ ერთი, რატომ მომზადაა ჩემზე ამაზრზენი სიუჟეტი, რომლის მიზანიც ჩემზე ფსიქოლოგიური წნეხის მოხდენა იყო. ვიდრე პროკურატურა ამ პირებს არ დაკითხავს ქვეყანაში დაბრუნებას არ ვაპირებ”- აცხადებს ირაკლი მამალაძე.

ირაკლი მამალაძის შესახებ სიუჟეტი რუსთავი2-ზე შაბათას გავიდა, თავად მამალაძემ კი ქვეყანა მეორე დღეს კვირას დატოვა. მამალაძე ამბობს რომ ის უკრაინაში ნათესავებთან ცხოვრობს.

სკანდალური საქმის მთავარი მოწმის მიერ ქვეყნის დატოვების შესახებ ინფორმაცია, მთავარმა პროკურორმაც დაადასტურა.

25 ივნისს ცნობილი გახდა, რომ პროკურატურამ დეკანოზის საქმის მთავარ მოწმეზე შესაძლო ზემოქმედების ფაქტზე გამოძიება დაიწყო. ჟურნალისტმა ირაკლი მამალაძემ ძალოვანი უწყების ყოფილი მაღალჩინოსნის, ირაკლი ფირცხალავას, “რუსთავი 2”-ის ჟურნალისტ თამარ ბაღაშვილისა და ტელეკომპანიის საინფორმაციო სამსახურის უფროსის, ნოდარ მელაძის წინააღმდეგ პროკურატურას მიმართა.

დეკანოზი გიორგი მამალაძე მკვლელობის მომზადების ბრალდებით თბილისის საერთაშორისო აეროპორტში 10 თებერვალს დააკავეს. ის ბერლინში პატრიარქთან მიფრინავდა, სადაც ილია მეორეს ოპერაციისთვის ამზადებდნენ. ჟურნალისტმა ირაკლი მამალაძემ პროკურატურას აცნობა, რომ მამა გიორგიმ ციანიდის მოძიებაში დახმარება სთხოვა, რითაც მაღალი იერარქიის სასულიერო პირი უნდა მოეწამლა.

წყარო: http://imedinews.ge

დატოვეთ კომენტარი

კომენტარები

Загрузка...