საუდის არაბეთის ერთ-ერთი გაზეთის ჟურნალისტმა, ქვეყნის მეფე სალმანი, ალაჰის ეპითეტით შეამკო, რის გამოც ის სამსახურიდან დროებით დაითხოვეს. BBC-ის ცნობით, ეს თავად მონარქმა მოითხოვა.

გაზეთი “ალ-ჯაზირას”(არ უკავშირდება ყატარულ “ალ-ჯაზირას) ჟურნალისტმა, მეფესთან მიმართებით გამოიყენა სიტყვები – “ალ-ჰალიმ” (დინჯი) და “შადიდ ალ-იქაბ” (მკაცრი დამსჯელი). ისლამურ ქვეყნებში, ეპითეტი “ალ-ჰალიმ”, ალაჰის 99 სახელიდან ერთ-ერთად მიიჩნევა. ორივე საქებარი სიტყვა, ადამიანის მისამართით არ გამოიყენება.

საუდის არაბეთში ძირითადი რელიგია ვაჰაბიზმია – სწავლება, რომელსაც არაბი თეოლოგის მუჰამედ ბინ აბდ-ვაჰაბის სახელს ატარებს

ვაჰაბიტური იდეოლოგიის ძირითად ცნებას წარმოადგენს პრინციპი ერთმორწმუნეობის შესახებ. მხოლოდ ალაჰია ღირსი თაყვანისცემის და აქედან გამომდინარე, არ არსებობენ წმინდა ადგილები და წმინდანები.

დატოვეთ კომენტარი

კომენტარები

Загрузка...