იცით თუ რა, რომ საქართველოში არსებობს ერთი ძალიან კარგი ორგანიზაცია, რომელიც თავდაზოგავად ცდილობს,რომ თქვენ, რაც შეიძლება მეტი კეთილდღეობა მოგიტანოთ ,  წარმატებისაენ გაგიხსნათ გზა და დაგეხმაროთ თვითშეფასების ამაღლებაში.   ამ ორგანიზაციას „პროაქტივ ჯგუფი ჯორჯია“  ჰქვია და მისი საქმიანობისა და მიზნების შესახებ თავად მოგვიყვება ორგანიზაციის დამფუძებელი და ხელმძღვანელი გიორგი აგირბაია.

– გამარჯობა გიორგი, გვითხარი, როდის და რატომ გაჩნდა თქვენი ორგანიზაციის შექმნის იდეა?

– მოგეხსენებაათ, რომ სტუდენტური წლები ის პერიოდია, როდესაც ახალგაზრდის ცხოვრებაში ერთბაშად ბევრი სიახლე იჭრება, მრავალი აზრი, შესაძლებობა წარმოჩნდება გარშემო, რომელსაც აქამდე ვერ ვამჩნევდით ან არ ვუკვირდებოდით, დაუოკებელი სურვილი გვიჩნდება ყველაფერი ერთბაშად შევისრუტოთ. უნივერსიტეტში ჩაბარებით, თბილისში სრულიად განსხვავებული ახალი ცხოვრების რიტმში ჩაბმა მომიწია.

„პროაქტივ ჯგუფი ჯორჯია“ პირველი ორგანიზაციაა ქართულ ბაზარზე ახალგაზრდულ სფეროში, რომელიც პროაქტიურობის თემაზე აქტიურად მუშაობს, რათა საზოგადოებაში წინა პლანზე წამოწიოს პროაქტიურობის უდიდესი დადებითი ზეგავლენა ნებისმიერი მიმართულებით, იქნება ეს განათლება თუ სხვა. ორგანიზაციის შექმნის იდეა ჯერ კიდევ რამდენიმე წლის წინ გაჩნდა, მაგრამ მაშინ არ ვფლობდი ორგანიზაციის ფუნციონირებისა და მართვისთვის იმ აუცილებელ ბერკეტებს და რესურსებს, რაც დღეს გააჩნია ორგანიზაციას. რაც შეეხება უშუალოდ იდეას, ეს ის შემთხვევაა, როდესაც ორგანიზაციის სახელი პირდაპირ პასუხობს მის ძირითად დანიშნულებას, პროაქტიური ახალგაზრდების გაერთიანებას ერთი იდეის გარშემო ერთ  სივრცეში, რათა შემდგომში ენერგიულად მუშაობის შედეგად წვლილი შეიტნოს საქართველოში თანამედროვე, განათლებული და პროგრესულად მოაზროვნე პროაქტიური საზოგადოების ჩამოყალიბებასა და განვითარებაში.

–  გიორგი, მკითვლს დააინტერესებს, რა სახის პროექტებს ახორციელებთ?

– ჩვენი ორგანიზაცია ნამდვილად გამოირჩევა ახალგაზრდული აქტივობების და პროექტების მრავალფეროვნებით, განხორციელების ტემპით, რასაც ცხადყოფს, ის, რომ 1 წელზე ცოტა მეტ პერიოდში ორგანიზაციის ღონისძიებებში ჩართული გახლდათ 600+ ახალგაზრდა 15-ზე მეტ ადგილობრივ და საერთაშორისო პროექტში, ეს იქნება სხვადასხვა კონკურსების, ტრენინგ-მასტერკლასების, საჯარო ლექციების თუ სოციალური პროექტების სახით. აღსანიშნავია, რომ აქტიურად ვართ ჩართულები ევროკავშირის პროგრამებში, ევროკავშირი საქართველოსთვის, Erasmus+ და სხვა.

– დაახლოებით,რამდენი ადამიანის დახმარება შეძელით, რომ წარმატებისკენ გადაედგათ ნაბიჯი და როგორ?

– მოგეხსენებათ, რომ წარმატების ცნება ისეთი კომპლექსურია, რომ კონკრეტული რიცხვის დასახელება გაგვიჭირდება, მაგრამ რაც დანამდვილებით შემიძლია გითხრათ, არის ის, რომ 600-ზე მეტ ახალგაზრდას დავეხმარეთ, რომ კომფორტის ზონა გაერღვია, აზროვნების ახალი ჰორიზონტზე – პროაქტიურობის ჰორიზონტზე გაეხედა, რაშიც საქართველოსა და  ევროპაში ჩატარებულ საერთაშორისო პროექტებში ახალგაზრდების მონაწილეობამ იქონია უდიდესი პოზიტიური ზეგავლენა. ჩვენი ყოველი ღონისძიება მიმართულია იმისკენ, რომ ახალგაზრდებს დავანახოთ ის ალტერნატიული გზები და არსებული შესაძლებლობები, რომელიც გააჩნიათ პერსონალური და პროფესიული განვითარებისთვის.

– ჩვენთვის ცნობილია, რომ გაქვთ მიმდინარე პროექტი, რა მიმართულებით მუშაობთ ამჯერად?

– ამჟამად 2 მიმართულებით ვმუშაობთ აქტიურად, საერთაშორისო დონეზე, Erasmus+ პროგრამის ფარგლებში 15 ახალგაზრდა და ჯგუფის ლიდერები, მათ შორის სკოლის მოსწავლეები მიემგზავრებიან გერმანიასა და ბულგარეთში ახალგაზრდულ გაცლით პროექტებზე, რომელშიც ასევე მონაწილეობენ ახალგაზრდები ევროპის 10-ზე მეტი ქვეყნიდან.

რაც შეეხება ლოკალურ ღონისძიებას, ეს გახლავთ სოციალური კამპანია „პროაქტიურობა რა ჰქნა?! – Global ProActive Campaign”, რომელიც მალევე აიტაცა სოც. ქსელმა, მასში ჩაერთვნენ საზოგადოების ცნობილი სახეები და გასცდა ქვეყნის ფარგლებსაც კი. 15-ზე მეტი ქვეყნის ახალგაზრდები გააერთიანა ამ  კამპანიამ, რითაც მიიღო გლობალური აქციის სახე, რომელსაც შემოუერთდნენ ახალგაზრდები ჩინეთიდან, ინდოეთიდან, ევროპიდან და მეზობელი ქვეყნებიდან.

კამპანიის ძირითადი მიზანი გახლავთ: – ახალგაზრდების გააქტიურება და მოტივაციის გაზრდა სწორი მიმართულებით განავითარონ თავიანთი პოტენციალი;- ახალგაზრდებში ცნობიერების ამაღლება, რათა გაითავისონ, რომ საკუთარ ცხოვრებაზე მხოლოდ და მხოლოდ თვითონ არიან პასუხისმგებლები და ამისთვის მუდმივი მოძრაობა, მოქმედებაა საჭირო.

ასევე, უმთავრესი დანიშნულება ამ აქციისა გახლავთ, ის რომ მოახდინოს პროაქტიური ცხოვრების წესის პოპულარიზაცია ახალგაზრდებში, მათ გააანალიზონ ის დადებით ეფექტი პროაქტიურობის, რომელიც სათავეა ყოველგვარი პოზიტიური ცვლილებებისა ჩვენს ცხოვრებასა თუ კარიერაში, მიუხედავად ჩვენი პროფესიისა და ინტერესებისა.

– რა არის თქვენი მიზანი, მთავარი ამოცანა, რისთვისაც თავს არ ზოგავთ ?

– ორგანიზაცია მიზანია შექმნას ისეთი სასწავლო ატმოსფერო, ადგილი, სადაც ახალგაზრდებს შეუქმნის პერსონალური ზრდისა და პროფესიული უნარების განვითარების შესაძლებლობებს, რომელიც მიიღწევა საერთაშორისო აღიარებული უცხოური პრაქტიკის გაზიარებით და ქართულ რეალობაზე მორგებული სწავლების მეთოდების გამოყენებას, რაც გულისხობს „სწავლება კეთების“ პრინციპის (Learning by Doing) აქტიურდანერგვას პრაქტიკაში, რათა ახალგაზრდებმა მომავალში წარმატებულად შეძლონ დასაქმება. და რა თქმა უნდა, გამოვყოფდი იმ ენთუზიასტი, პროაქტიური ახალგაზრდების გუნდს, რომელიც თავადაუზოგადად და მიზანმართულად მუშაობენ ორგანიზაციაში თითქმის 24/7 ზე, საერთო მიზნისკენ სავალ გზაზე. ჩვენ ვართ ამაყები, იმით რომ ყოველთვის ვაკეთებთ იმ საქმეს, რაც ყველას ძალიან გვიყვარს, ხშირად სრულიად ენთუზიამზე მაგრამ მიღებული გამოცდილება, ურთიერთობები და კონტაქტები ყველაზე ძვირადღირებულ ჯილდოდ გვევლინება შემდგომ, რაც მეტწილად განაპირობებს ორგანიზაციის და მისი წევრების წარმატებებას, როგორც პიროვნულ ასევე პროფესიულ ცხოვრებაში.

– და ბოლოს, გიორგი, რას ეტყოდით ახალგაზრდებს, რომლებიც თქვენზე ამ სტატიით შეიტყობენ ?

– მთავარია, გქონდეთ ხედვა და გულით გჯეროდეთ იმის, რასაც აკეთებთ, სხვა დანარჩენი სწავლებადი და განხორციელებადია. ეძიეთ წარმატებული და პოზიტიური ადამიანები თქვენს ირგვლივ, მუდმივად ეძიეთ სიახლეები იმ სფეროში, რომელშიც ფიქრობთ შემდგომ განვითარებას. საწყის ეტაპზე ეძიეთ პატარა ორგანიზაციები, სადაც თქვენ შეგეძლებათ შეისწავლოთ პროცესები, მიიღოთ ფასდაუდებელი გამოცდილება, დიდ კომპანიებში შეცდომების დაშვების ფუფუნება არ გაქვთ. აკეთეთ, ის რაც გიყვართ, ნამდვილად გიყვართ!!! იყავით ინდივიდუალურები, ყველა ადამიანის წარმატების საიდუმლო განსხვავებულია. აუცილებლად შეიყვარეთ ხალხთან ურთიერთობა და გუნდში მუშაობა, საყვარელი ადამიანები სგარემოცვაში ცხოვრებას და მუშაობს რა სჯობია.

დაბოლოს, რა თქმა უნდა, იფიქრეთ პროაქტიურად, იცხოვრეთ პროაქტიურად!

დატოვეთ კომენტარი

კომენტარები

Загрузка...