პოროშენკოს ფატალურმა შეცდომამ ფაქტიურად სააკაშვილს ახალი პოლიტიკური სტარტის დაწყების შესაძლებლობა მისცა, – ამის შესახებ ექსპერტმა გია ხუხაშვილმა “პრაიმტაიმს” განუცხადა. მისი თქმით, უკრიანა-პოლონეთის საზღვარზე განვითარებული სამივე შესაძლო სცენარი სააკაშვილისთვის მომგებიანი იყო.

“პოროშენკოს ფატალურმა შეცდომამ ფაქტიურად სააკაშვილს ახალი პოლიტიკური სტარტის დაწყების შესაძლებლობა მისცა. პოროშენკომ დიდი სიბრიყვე ჩაიდინა, როდესაც  საერთაშორისო სამართლის ნორმის დარღვევით სააკაშვილს მოქალაქეობა ჩამოართვა და სააკაშვილმა, როგორც ცნობილმა კრიზისულმა ლიდერმა მაქსიმალურად მოახერხა ამ შანსის რეალიზება. ამ ვითარებაში სააკაშვილი სამივე შესაძლო სცენარი მისთვის მომგებიანი იყო. მოვლენები ყველაზე დინამიურად და შესაბამისი შედეგებით განვითარდა. ფაქტობრივად ახლა პოროშენკოს არ აქვს კარგი სვლები, რაშიც თავისი თავი თვითონ ჩაიგდო. მას აქვს მხოლოდ ცუდი სვლები და ის იძულებულია, იმოქმედოს მაქსიმალურად აგრესიულად, რადგან სხვა გზა უბრალოდ არ აქვს, მაგრამ რამდენად აქვს იმის თავი, რომ აგრესიულად იმოქმედს, აქ უკვე სერიოზული კითხვის ნიშნებია. მისი პრობლემა მხოლოდ სააკაშვილი არ არის. ჩვენდა სამწუხაროდ,  ერთადერთი ვინც გააცურა პოროშენკომ და ჩაითრია ამ სისულელეში საქართველოს ხელისუფლება იყო. ჩვენდა ბედად ჯერჯერობით ამ პრობლემის ჩვენსკენ გადმოსროლა ვერ მოახერხა, თუმცა ამის რისკი საკმაოდ სერიოზული იყო და რჩება” – განაცხადა ხუხაშვილმა.

 

დატოვეთ კომენტარი

კომენტარები

Загрузка...