წარმომადგენელთა პალატის სპიკერმა, პოლ რაიანმა კვირას განაცხადა, რომ მიუხედავად დონალდ ტრამპის კამპანიის რიტორიკისა, დეპუტატები არ აპირებენ გამოიყენონ დეპორტაციის მძლავრი მექანიზმები, მოაწყონ რეიდები და მოახდინონ დოკუმენტების არმქონე იმიგრანტების დეპორტაცია.

“ჩვენ არ ვგეგმავთ დეპორტაციის გამოყენებას. დონალდ ტრამპი არ აპირებს ამას”, განუცხადა რაიანმა CNN-ს. “მე ვფიქრობ, რომ ჩვენ უნდა დავაწყნაროთ ხალხი: ეს არ არის ის, რაზეც ჩვენ ვართ ორიენტირებულები. ჩვენ ორიენტირებული ვართ უზრუნველვყოთ საზღვრის უსაფრთხოება. ჩვენ ვფიქრობთ, რომ ეს არის პირველ რიგში გასაკეთებელი. სანამ ნებისმიერ სხვა იმიგრაციის საკითხზე გადავიდოდეთ, ჩვენ უნდა ვიცოდეთ, ვინ შემოდის და ვინ გადის ქვეყნიდან – ჩვენ საზღვრის უსაფრთხოება უნდა დავიცვათ”, დასძინა მან.

რაიანმა გააქარწყლა ვარაუდები, დაუჭერს თუ არა ის მხარს ტრამპის მოწოდებას, იმპორტზე მძიმე ჯარიმების დაწესების თაობაზე ისეთი ქვეყნებიდან, როგორიცაა მექსიკა. ამის ნაცვლად, რაიანმა განაცხადა, რომ ის მხარს უჭერს საგადასახადო რეფორმებს იგივე გამოწვევებისთვის “ყოველგვარი გვერდითი მოვლენების და ეკონომიკისთვის რაიმე ზიანის მიყენების გარეშე“.

კონგრესის სპიკერმა ასევე განაცხადა, რომ ის იზიარებს ტრამპის მოწოდებას, შეინარჩუნოს პრეზიდენტ ბარაკ ობამას ხელმოწერილი ჯანდაცვის კანონის გარკვეული ელემენტები. მაგრამ იგი არ მისცემს მანდატს დაზღვევის ხარჯების დაფარვას შობადობის კონტროლისთვის. “ობამაქეარ უნდა შეიცვალოს. ჩვენ ვაპირებთ, ამის გაკეთებას …. ჩვენ შეგვიძლია შევაკეთოთ ის, რაც გატეხილია ჯანდაცვის სისტემაში იმის გატეხვის გარეშე, რაც კარგად მუშაობს“, განაცხადა რაიანმა.

წყარო: postalioni.com

დატოვეთ კომენტარი

კომენტარები

Загрузка...