იბიცაზე დასასვენებლად მყოფი კრიშტიანუ რონალდუ საგადასახადო ორგანოების წარმომადგენლებმა შეაწუხეს. საბაჟო დეპარტამენტის თანამშრომლები მადრიდის “რეალის” ვარსკვლავის იახტას ესტუმრნენ და თან ჩხრეკის ორდერი წარუდგინეს ფეხბურთელს.

ჩხრეკა შეიარაღებული სამართალდამცავების თანდასწრებით, დაახლოებით საათნახევარი გაგრძელდა. მიზეზი უცნობი რჩება. სავარაუდოდ, ეს ყველაფერი უკავშირდება პორტუგალიელი ფეხბურთელის საგადასახადო ორგანოებთან შექმნილ პრობლემებს.

უნდა აღინიშნოს, რომ იახტა რონალდუს არ ეკუთვნის – ფეხბურთელს ის იჯარით აქვს აღებული. ჩხრეკის დროს, პორტუგალიელი ოჯახის წევრებთან ერთად იახტაზე იმყოფებოდა.

შეგახსენებთ, რომ კრიშტიანუ რონალდუ ეჭვმიტანილია 14.7 მილიონი ევროს დამალვაში. ფეხბურთელს თავი უდანაშაულოდ მიაჩნია და უარს ამბობს ამ თანხის გადახდაზე. ამ საქმესთან დაკავშირებით სასამართლო პროცესი 31 ივლისს დაიწყება.

დატოვეთ კომენტარი

კომენტარები

Загрузка...