Facebook-ის დამაარსებელი, მარკ ცუკერბერგი, პლანეტის ყველაზე მდიდარი ადამიანების რეიტინგის მეოთხე პოზიციაზე მოხვდა. ამჟამად მისი მდგომარეობა 50 მილიარდი დოლარით განისაზღვრება. აღსანიშნავია, რომ წელს ცუკერბერგმა ერთი ადგილით უკან დაახევინა Amazon-ის დამფუძნებელს, ჯეფ ბეზოსს, რომელმაც წლის დასაწყისში დაახლოებით 10 მილიარდი დაკარგა და 49 მილიარდით მეხუთე პოზიციას დასჯერდა.

რაც შეეხება საუკეთესო სამეულს, პირველ ადგილზე, ტრადიციულად Microsoft-ის დამაარსებელი, ბილ გეითსი იმყოფება, მეორე ადგილი ესპანური რიტეილერის მეთაურმა – ამანსიო ორტეგამ დაიკავა, მესამეზე კი ამერიკელი ინვესტორი, უორენ ბაფეტი გავიდა.

წყარო: fortunaplus.ge

დატოვეთ კომენტარი

კომენტარები

Загрузка...