ილია მეორე – ​შევევედროთ უფალს, რომ ასი ათასი მოწამის ლოცვით მოგვივლინოს მშვიდობა და კეთილდღეობა, საქართველო გადარჩება

შევევედროთ უფალს, რომ ასი ათასი მოწამის ლოცვით მოგვივლინოს მშვიდობა და კეთილდღეობა, საქართველო გადარჩება, – ამის შესახებ უწმინდესმა და უნეტარესმა, სრულიად საქართველოს კათოლიკოს-პატრიარქმა ილია მეორემ მეტეხის ხიდზე, ასი ათასი მოწამის ხსენების დღესთან დაკავშირებული პარაკლისის მიმდინარეობისას აღნიშნა.

„ჩვენ ვდგავართ წმინდა ადგილას, წმინდა მიწაზე ჩვენ ვდგავართ, ასი ათასი ქართველის სისხლზე. შევევედროთ უფალს, რომ უფალმა ასი ათასი მოწამის ლოცვით მოგვივლინოს მშვიდობა და კეთილდღეობა. საქართველო გადარჩება. საქართველოს ჰყავს მრავალი თავდადებული მამულიშვილი, იხარეთ ორსავე სოფელსა შინა“, -ამბობს ილია მეორე.

საქართველოს მართლმადიდებელი ეკლესია ასი ათასი მოწამის ხსენებას აღნიშნავს.

ღონისძიებას პრემიერმინისტრი მამუკა ბახტაძე, თბილისის მერი კახა კალაძე და მმართველი გუნდის მიერ მხარდაჭერილი საპრეზიდენტო კანდიდატი სალომე ზურაბიშვილიც დაესწრნენ.

სპეციალურად მოწყობილ სცენაზე მონოსპექტაკლი გაიმართა, რომლის დასრულების შემდეგ საქართველოს კათოლიკოს-პატრიარქმა ილია მეორემ პარაკლისის დაწყებამდე მრევლს მიმართა.

პარაკლისის შემდეგ მეტეხის ყიდზე მყოფმა ადამიანებმა მოწამეთა ხსოვნისთვის პატივის მისაგებად მტკვარში ყვავილები ჩაყარეს.

წყარო: imedinews.ge

დატოვეთ კომენტარი

კომენტარები

Загрузка...