სრულიად საქართველოს კათოლიკოს-პატრიარქმა მსოფლიო პატრიარქსა და ყველა ადგილობრივი ეკლესიების წინამძღოლებს წერილი გაუგზავნა.
პატრიარქი მსოფლიო პატრიარქს ატყობინებს, რომ საქართველოს ეკლესიის დეალეგაცია კუნძულ კრეტაზე დაგეგმილ წმინდა და დიდ კრებაში მონაწილეობას ვერ მიიღებს.

“მის ყოვლადუწმიდესობას, ბართლომეოს I, კონსტანტინეპოლის, – ახალი რომის მთავარეპისკოპოსს და მსოფლიო პატრიარქს. თქვენო ყოვლადუწმიდესობავ, ქრისტესმიერ საყვარელო ძმაო, გულითადად მოგესალმებით და შევთხოვთ უფალს, რათა მოგანიჭოთ მშვიდობა, ჯანმრთელობა და მრავალჟამიერ სიცოცხლე; ამასთან დიდი პატივისცემით გვსურს თქვენ და ყველა მართლმადიდებელ ეკლესიათა უწმინდეს და უნეტარეს წინამძღოლებს გაცნობოთ, რომ 2016 წლის 10 ივნისს, გაიმართა საქართველოს მართლმადიდებელი ეკლესიის წმ. სინოდის სხდომა, რომელმაც განიხილა წმინდა და დიდი კრების ირგვლივ დღეს არსებული ვითარება და გადაწყვიტა, რომ საქართველოს ეკლესიის დეალეგაცია კუნძულ კრეტაზე დაგეგმილ წმინდა და დიდ კრებაში მონაწილეობას ვერ მიიღებს.

გაცნობებთ, თქვენო ყოვლადუწმინდესობავ, რომ ჩვენი ეს დადგენილება პირველ რიგში, მომდინარეობს იმ სურვილიდან, რომ ნაწილობრივ მაინც ავიცილოთ ეკლესიაში სხვადასხვა საკითხთან მიმართებაში პრობლემების გაღრმავება. გამოვითხოვთ თქვენს წმინდა ლოცვებს”, – აღნიშნულია წერილში.

წერილს თან ერთვის საქართველოს ეკლესიის წმინდა სინოდის სხდომის ოქმის ამონაწერიც.

შეგახსენებთ, მართლმადიდებელი ეკლესიების წარმომადგენელთა დიდი კრება საბერძნეთში, კუნძულ კრეტაზე 16 ივნისს გაემართება.

წყარო: pia.ge

დატოვეთ კომენტარი

კომენტარები

Загрузка...