ტელეკომპანია “პირველის” ინფორმაციით, პატრიარქი საქართველოში სამშაბათს დაბრუნდება და სავარაუდოდ, ილია მეორე დეკანოზ გიორგი მამალაძეს საკვირაო ქადაგებაზე შეიწყალებს.

პროკურატურამ საპატრიარქოს ქონების მართვის სამსახურის ხელმძღვანელი დეკანოზი გიორგი მამალაძე მაღალი იერარქიული სასულიერო პირის მკვლელობის მომზადების ბრალდებით დააკავა. პროკურატურა არ აკონკრეტებს, ვის მკვლელობას ამზადებდა დეკანოზი, თუმცა მედიაში ვრცელდებოდა ინფორმაცია, რომ საქართველოს პატრიარქის სიცოცხლეს საფრთხე ემუქრებოდა.
დეკანოზ გიორგი მამალაძე წარდგენილ ბრალდებაში თავს დამნაშავედ არ სცნობს და ითხოვს, რომ პროკურატურამ საქმეზე გაუთქმელობის ვალდებულება მოუხსნას, რათა პოზიციის დაფიქსირება საჯაროდ შეძლოს.
დეკანოზი სასჯელაღსრულების მე-6 დაწესებულებაში იმყოფებოდა, სადაც მას შეზღუდული ჰქონდა სხვა პატიმრებთან კომუნიკაციისა და სატელეფონო ზარის განხორციელების უფლება. ამჟამად ის ე.წ. მატროსოვის ციხეშია მოთავსებული.
პროკურატურის მთავარი მოწმის ირაკლი მამალაძის დაკითხვა წუხელ განხორციელდა და მას სახელმწიფო დაცვაც დაუნიშნეს.
პატრიარქს ბერლინში ნაღვლის ბუშტის ოპერაცია 13 თებერვალს ჩაუტარდა.

pia.ge

დატოვეთ კომენტარი

კომენტარები

Загрузка...