სახალხო დამცველის შესარჩევ კონკურსთან დაკავშირებით პარლამენტის თავმჯდომარე არასამთავრობო სექტორთან კონსულტაციებს გამართავს. არასამთავრობო ორგანიზაციები პარლამენტში თავმჯდომარეს საკუთარ 4 კანდიდატურას წარუდგენენ – ნინო ლომჯარია, ანა ნაცვლიშვილი, ზვიად ქორიძე, ვახუშტი მენაბდე.

„ქართულ ოცნებაში“ დარწმუნებულები არიან, რომ საუკეთესო კანდიდატურას შეარჩევენ.

„მმართველი გუნდი ისე არ იქცევა, რომ ჯერ მიიღოს გადაწყვეტილება და შემდეგ გამართოს ფორმალური შეხვდრები, დღევანდელი შეხვედრა არის გადაწყვეტილების ნაწილი. ჩვენ გვექნება დამატებით შიდა კონსულტაციები და დარწმუნებული ვარ, რომ საუკეთესო კანდიდატურას ავარჩევთ. როცა საქმე ეხება სახალხო დამცველის კანდიდატურას, პასუხისმგებლიან სახელმწიფოს, რომელსაც აქვს დემოკრატიაზე პრეტენზია, საუკეთესო, პროფესიონალს, ობიექტურ ადამიანს ირჩევს. ვფიქრობ, ასეთს აუცილებლად შევარჩევთ,“- განაცხადა ფრაქცია „ქართული ოცნების“ თავმჯდომარემ, მამუკა მდინარაძემ.

დატოვეთ კომენტარი

კომენტარები

Загрузка...