კანის 70-ე კინოფესტივალის მთავარი საკონკურსო სია ცნობილია. ძირითად საკონკურსო სექციაში მსოფლიო მასშტაბით შერჩეული 18 ფილმი იბრძოლებს. მათ შორისაა სოფია კოპოლას, მაიკლ ჰანეკეს, ფრანსუა ოზონის და სხვა რეჟისორების ფილმები. სამხრეთ კორეა, აშშ, საფრანგეთი, იაპონია, საბერძნეთი, უკრაინა, შოტლანდია – ამ ქვეყნებს შორის, მთავარ საკონკურსო სექციაში მოხვდა უნგრელი რეჟისორის – კორნელი მუნდრუცუს ფილმი “იუპიტერის მთვარე”, სადაც მთავარ როლს მერაბ ნინიძე თამაშობს. ფილმი ძირითადად ბუდაპეშტშია გადაღებული და მოგვითხრობს უნგრელი ექიმის – გაბორ შტერნის შესახებ, რომელიც სირიელ ლტოლვილებთან მოხვდება. უნგრელ რეჟისორს კანის კინოფესტივალზე 2014 წლიდან იცნობენ, როცა მისმა ფილმმა “თეთრი ღმერთი” სპეციალურ სექცია Un Certain Regard-ში გაიმარჯვა. კანის კინოფესტივალის გარდა ფილმს კიდევ 6 პრიზი აქვს მოპოვებული. წელს, კანის კინოფესტივალი 17-28 მაისს გაიმართება. საკონკურსო ჟიურის თავმჯდომარე კი ესპანელი რეჟისორი პედრო ალმოდოვარი იქნება.

დატოვეთ კომენტარი

კომენტარები

Загрузка...