ზოგიერთ მწერალს შესწევს უნარი, რამდენიმე სიტყვით გადმოსცეს ძალიან ბევრი რამ. წარმოგიდგენთ რამდენიმე მათგანს:

1) ფრედერიკ ბრაუნმა შეადგინა უმოკლესი საშინელი ისტორია: ,,უკანასკნელი ადამიანი დედამიწაზე იჯდა ოთახში. კარებზე დააკაკუნეს…”

2) ჰენრიმ გაიმარჯვა კონკურსში ყველაზე მოკლე მოთხრობისთვის, რომელიც შედგება ყველა ტრადიციული შემადგენელი ნაწილისაგან – კვანძი, კულმინაცია და კვანძის გახსნა:

,,მძღოლმა სიგარეტი გააბოლა და დაიხარა, რომ შეეხედა ბენზინის ავზისათვის, დარჩა თუ არა ბენზინი. გარდაცვლილი მხოლოდ ოცდასამი წლის იყო.

3) ინგლისელებმაც აგრეთვე მოაწყვეს კონკურსი ყველაზე მოკლე მოთხრობებს შორის. კონკურსის პირობების მიხედვით მასში ნახსენები უნდა ყოფილიყო: დედოფალი, ღმერთი, სექსი და საიდუმლო. პირველი ადგილი მიაკუთვნეს ავტორს შემდეგი მოთხრობისა:

,,ო, ღმერთო, – წამოიყვირა დედოფალმა, – მე ფეხმძიმედ ვარ და არ ვიცი ვისგან!”

4) ყველაზე პატარა ავტობიოგრაფიის კონკურსში გაიმარჯვა ერთმა ხანშიშესულმა ფრანგმა ქალბატონმა, რომელმაც დაწერა:

,,ადრე მე მქონდა გლუვი სახე და დაჭმუჭნული ქვედაბოლო, ახლა კი –პირიქით.”

სოსო გაზდელიანი

დატოვეთ კომენტარი

კომენტარები

Загрузка...