არჩილ ტატუნაშვილთან ერთად დაკავებულ ლევან ქუტაშვილი და იოსებ პავლიაშვილი ოკუპირებული ახალგორიდან გაათავისუფლეს.

მათ ე.წ საზღვარი უკვე გადმოკვეთეს და ცოტა ხნის წინ მცხეთის პოლიციის განყოფილებაში დაკითხვაზე გადაიყვანეს.

იქ იმყოფებიან ხელისუფლების წარმომადგენლები. მათ შორის დევნილთა და განსახლების მინისტრი, სოზარ სუბარი, სახელმწიფო მინისტრი შერიგებისა და სამოქალაქო თანასწორობის საკითხებში ქეთევან ციხელაშვილი, შინაგან საქმეთა მინისტრის პირველი მოადგილე კახაბერ საბანაძე და სახელმწიფო უსაფრთხოების სამსახურის საინფორმაციო-ანალიტიკური დეპარტამენტის დირექტორის მოადგილე კახაბერ ქემოკლიძე.

არჩილ ტატუნაშვილი 22 თებერვალს დილით ახალგორიდან გაიტაცეს, 23 თებერვალს, გამთენიისას კი, დეფაქტო ცხინვალის ინფორმაციით, ის სუნთქვის უკმარისობით გარდაიცვალა.  მისი ცხედარი ცხინვალის მხარეს საქართველოსთვის ჯერ არ გადაუცია.

ტატუნაშვილთან ერთად დაკავებული ორი მოქალაქე – ლევან ქუტაშვილი და იოსებ პავლიაშვილი – ცხინვალის ციხიდან გაათავისუფლეს, თუმცა  ამ დრომდე ოკუპირებულ ტერიტორიაზე იმყოფებოდნენ.

დატოვეთ კომენტარი

კომენტარები

Загрузка...