ელიავას ბაზრობაზე მისულ “ნაცმოძრაობის“ დედაქალაქის მერობის კანდიდატ ზაალ უდუმაშვილსა და დიდუბის რაიონის გამგებელ ირმა ზავრადაშვილს შორის შეკამათება მოხდა.

დიდუბის გამგებელმა ზაალ უდუმაშვილი პოლიტიკურ სპეკულაციაში დაადანაშაულა.
“ნუ ცდილობთ, კამერები თქვენი პიარკამპანიისთვის გამოიყენოთ, გადით უკან და დაზარალებულებს დაელაპარაკეთ, უხერხულია“, – მიმართა გამგებელმა მერობის კანდიდატს.
“უხერხული ისაა, თქვენ რომ ხელისუფლებაში ხართ“, – უპასუხა ზავრადაშვილს ზაალ უდუმაშვილმა.
ცნობისთვის, ელიავას ბაზრობის მიმდებარე ტერიტორიაზე ავტონაწილების რამდენიმე მაღაზია იწვოდა. შეტყობინების მიღებისთანავე, შინაგან საქმეთა სამინისტროს საგანგებო სიტუაციების მართვის სააგენტოს სახანძრო-სამაშველო ჯგუფები ოპერატიულად გავიდნენ შემთხვევის ადგილზე. 2500 კვ/მ-მდე გავრცელებული ხანძრის ჩასაქრობად 30-მდე სახანძრო-სამაშველო ჯგუფი და 150-მდე მეხანძრე-მაშველი მუშაობდა.
ამ დროისთვის ხანძარი ლოკალიზებულია.
ხანძრის გამომწვევ მიზეზებზე ინფორმაცია არ ვრცელდება.

სრული ვერსიის ნახვა

დატოვეთ კომენტარი

კომენტარები

Загрузка...