პარტია ქართული ოცნების ერთ-ერთი ლიდერი ნუკრი ქანთარია აცხადებს, რომ მერობის სავარაუდო კანდიდატს, კახი კალაძეს კონკურენტი არ ჰყავს პარტიებიდან გამომდინარე, არამედ “მისი კონკურენტი იქნება ის საქმეები, რომლებიც ქალაქში უნდა გაკეთდეს”.

ამის შესახებ, მან დღეს, ქართული ოცნების პოლიტსაბჭოს დაწყებამდე განაცხადა, სადაც მერობის კანდიდატზე უნდა იმსჯელონ, სხდომის დასასრულს კი, ოფიციალურად უნდა წარადგინონ ის:

“კახი კალაძის კანდიდატურა დადგება პოლიტსაბჭოზე და აქ არის ძალიან გულწრფელი კონსენსუსი უმრავლესობისა და პოლიტსაბჭოს მხრიდან. ვფიქრობ რომ ეს ხედვა [ქალაქის განვითარების] იქნება ჩამოყალიბებული ძალიან ზუსტად კახის მხრიდან და ის ღირსეულად გაიმარჯვებს”.

პოლიტსაბჭოს სხდომა ხმაურის ფონზე დაიწყო. ქართული ოცნების შენობასთან, საბაჭრო ცენტრ ბავშვთა სამყაროს ხანძრით დაზარალებულთა აქცია მიმდინარეობს, რომლებიც კალაძესთან შეხვედრას მოითხოვენ.

პრემიერ-მინისტრი, გიორგი კვირიკაშვილი თბილისის მერობის კანდიდატს 20 საათზე წარადგენს.

on.ge

დატოვეთ კომენტარი

კომენტარები

Загрузка...