დოდო გუგეშაშვილსა და მის შვილზე მომხდარ თავდასხმასთან დაკავშირებით ჟურნალისტმა მაკა რაზმაძემ გადაცემა „რეაქციაში“ ისაუბრა:

„დღეს მე ვარ შვილმკვდარი დედა, ჩვენ ყველა შვილმკვდარი დედები ვართ ახლა… მე არ ვიცი მიზეზი, რის გამო მოკლეს ასეთი უწყინარი, ყველასთვის საყვარელი ადამიანი.

გიორგი გახარია ნამდვილად არის გამორჩეული მინისტრი, მისი წინამორბედისგან განსხვავებით, რომელიც ქალების ბოტოქსებზე ჭორიკნობის მეტს არაფერს აკეთებდა… გახარიას იმედიც ბევრ ადამიანს აქვს… მე მინდა მივმართო მას, მაგრამ რომელი გახარია უშველის იმას რაც ჩვენში ხდება…

ნოდარიკო იყო არაჩვეულებრივი ადამიანი… ვისაც უნდა ჰკითხოთ… უსინათლო ბებიას ბანდა, ხელით აჭმევდა, ეფერებოდა… მან აცოცხლა ბევრი წელი, თორემ უფრო ადრე გარდაიცვლებოდა. ძალიან საყვარელი ადამიანი ნოდარიკო, რომელმაც ცოლი ვერ მოიყვანა, რადგან სახლი არ ჰქონდა, შემოსავალი არ ჰქონდა… ჰყავდა არაჩვეულებრივი შეყვარებული, რომელიც ახლა ტირის გულსაკლავად…

ახლა მე უნდა დავიცვა ნოდარიკოს სახელი, რომელსაც უმოწყალოდ თელავენ ის ადამიანები, რომლებიც სექტად ჩამოყალიბდნენ და ამით იფხანენ გულს. რომელი გახარია უშველის იმ ადამიანებს, რომლებიც წერენ, რომ „ბაბუის ნაჭამმა ტყემალმა შვილიშვილს მოკვეთა კბილიო“. ია მეტრეველმა რომელი ტყემალი ჭამა ერთადერთი შვილი რომ მოუკლეს, ან ირინა ენუქიძე, ან რაფალიანცის დედამ…“, – განაცხადა „რეაქციაში“ მაკა რაზმაძემ.

ჟურნალისტი მოუწოდებს შსს-ს, პირად კონტროლზე აიყვანოს დოდო გუგეშაშვილის უსაფრთხოება, რადგან მისი სიცოცხლე ჯერ კიდევ არ არის დაცული.

cyc.ge

დატოვეთ კომენტარი

კომენტარები

Загрузка...