საფრანგეთის ყოფილი პრეზიდენტი ნიკოლა სარკოზი, მისი წინასაარჩევნო კამპანიის დაფინანსების საქმეზე დააკავეს.

ამის შესახებ Reuters საფარანგეთის სასამართლოში წყაროზე დაყრდნობით წერს.

გავრცელებული ინფორმაციით, უახლოეს დროში სარკოზი დაიკითხება.

სარკოზის წინააღმდეგ გამოძიება 2012 წელს დაიწყო.

ფრანგი გამომძიებლების ყურადღება 2011 წელს 1 დეკემბერს ტულონში სარკოზის მხარდამჭერმა აქციამ მიიპყრო, რომელშიც 5 ათასმა ადამიანმა მიიღო მონაწილეობა.

აქცია საპრეზიდენტო არჩევნებამდე ხუთი თვით ადრე გაიმართა, იმ დროს სარკოზის არჩევნებში მონაწილეობის შესახებ განცხადება გაკეთებული არ ქონდა.

მეორე ვადით არჩევნებში მონაწილეობის შესახებ სარკოზიმ განცხადება მხოლოდ 2012 წლის 15 თებერვალს გააკეთა.

წარდგენილ საფინანსო დოკუმენტებში აღნიშნულ აქციაზე დახარჯული თანხების შესახებ საუბარი არ ყოფილა.

2012 წლის დეკემბერში საფრანგეთის საფინანსო კომისიამ, რომელიც საარჩევნო კამპანიების ანგარიშებს სწავლობს, სარკოზის პარტიის დოკუმენეტები არ მიიღო, რადგან კომისიის თქმით, სარკოზიმ დასაშვებ საფინანსო ლიმიტს გადააჭარბა. ექსპერტებმა ტულონში გამართული მიტინგი წინასაარჩევნო კამპანიად შეაფასეს.

2013 წლის ივლისში საკონსტიტუციო სასამართლომ წარდგენილი დოკუმენტები შეისწავლა და კომისიის დასკვნა გაიზიარა.

საქმის შესწავლა კი გაგრძელდა. ამასთან, 2014 წელს სარკოზი დიდ პოლიტიკას დაუბრუნდა და პარტია „სახალხო მოძრაობისთვის კავშირის“ თავმჯდომარე გახდ. მან 2017 წლის საპრეზიდენტო არჩევნებში საკუთარი კანდიდატურაც წამოაყენა.

pia.ge

დატოვეთ კომენტარი

კომენტარები

Загрузка...