“ნაციონალური მოძრაობის“ ერთ-ერთი ლიდერის, ნიკა მელიას განცხადებით, მიწის ნაკვეთების გადაცემის საკითხზე საპროტესტო აქციები გაგრძელდება.

„უპირველეს ყოვლისა, რაც უნდა გაკეთდეს და გაკეთდება აუცილებლად, არის ის, რომ გაგრძელდება საპროტესტო აქციები.

რამდენ ადამიანს დააკავებენ, რამდენს მოერევიან, ასიათასს მოერევიან?! როდესაც ასი ათასი ადამიანის მიერ არგუმენტირებული პროტესტი ისმის რუსთველის გამზირიდან, რა ხდება მაშინ, ეს უახლოესმა წარსულმაც გვანახა.

რატომ გონიათ, რომ თუ ხელისუფლება ადრე იცვლებოდა, ახლა არ შეიცვლება? თან ამას აკეთებენ უკიდურესი ცინიზმით, არჩევნებამდე 12 დღით ადრე. ვინც აქ არის, უმეტეს ადამიანს ყბა უკანკალებს და ცახცახებს, რადგან დიდმა უმრავლესობამ იცის, რომ უკანონობას ემსახურებიან. გაგრძელდება საპროტესტო აქცია ამ საკითხის გარეშემო, ვიდრე გამარჯვებას არ მივაღწევთ. პუშკინის სკვერში, რაც არ უნდა გადაწყვეტილება მიიღონ, როგორ ააშენებს ბიძინა ივანიშვილი იმ კონსტრუქციას, რისი აშენებაც უნდა, მაგასაც ვნახავთ“, – განაცხადა ნიკა მელიამ.

დატოვეთ კომენტარი

კომენტარები

Загрузка...