სოციალურ ქსელში ფეისბუქმომხმარებელმა მარი ჯაფარიძემ გამოქქვეყნა  საინტერესო პოსტი, რომელსაც უცვლელად გთავაზობთ:

“აღფრთოვანებული ვარ იმ ფაქტით, რომ ჩემ გარშემო მყოფი ყველა ადამიანი უნაკლოა… მიხარია, ესოდენ დახვეწილ საზოგადოებაში რომ ვცხოვრობ და ნებას მრთავენ, მეც მათ გვერდით ვიარსებო…
როცა მივხვდი, რაოდენ კარგები არიან სხვები, იმასაც მივხვდი, რომ მე ვარ ცუდი ადამიანი…
მე ის ვარ, დილაობით რომ გაღვიძებ მეგაფონში ბღავილით, – ჯართს ვიბარებ, ჯააართს!
შუქნიშანზე წითელზე რომ დგახარ, შენს უკან მე ვდგავარ და გიპიპინებ…
ურიგოდ რომ მივდივარ და თან ფეხზე ფეხს რომ გაბიჯებ და მუჯლუგუნებს გკრავ, ეგეც მე ვარ…
გაძეძგილ მარშრუტკაში მაინც რომ ამოვეკვეხები და გაიძულებ, უკან გადაიწიო, არადა, მალე რომ ჩადიხარ, ეგეც მე ვარ…
შენი ფანჯრების ქვემოთ ნაგავს რომ ვყრი ზემო სართულიდან, ეგეც…
ღამღამობით გზებზე ორმოებს რომ ვთხრი, ეგეც…
საცობის დროს საპირისპირო ზოლში რომ გადავდივარ და მივქრი, მერე შენი მანქანის წინ ცხვირს რომ შევყოფ და ნაგლად ჩავდგები და თან გაგინებ, ეგეც მე ვარ….
იმ მარშრუტკის მძღოლიც მე ვარ, რომ ამოხვალ მანქანაში და ეგრევე დიდი სიჩქარით დავძრავ, სანამ დაჯდები და ეგრევე უკანა ფანჯარას რომ გახეთქებ ცხვირით…
“მობილური ტელეფონი გამორთულია ან გასულია მომსახურების სფეროდან”-მეთქი, რომ გეუბნები, ხმაზე ვერ მცნობ? ეგეც მე ვარ და ისიც, დალოდების რეჟიმში საშინელ მელოდიას რომ გასმენინებ და დროდადრო გეუბნები, – გთხოვთ, დაელოდოთ ოპერატორს-მეთქი…
თქვენს მანქანას რომ ვიპარავ და საჯარიმოზე გადამყავს, ძაან ვხალისობ მაგ დროს….
და ცარიელ საპარკინგე ადგილს რომ დაუმიზნებ, უცებ გადაგასწრებ და დავიკავებ ადგილს, მაგ დროს ხომ ნამდვილი ზეიმი მაქვს…
ინტერნეტს რომ გითიშავ, დროდადრო, ეგეც მე ვარ…
ბენზინი ხომ გავაძვირე!!!
თქვენს ქმრებს ან საყვარლებს რომ მესიჯებს ვწერ – “მენატრები, ჩემო გიჟო, მოდი უნდა გაგაგიჟო” და საყვარელ მამაკაცს რომ გართმევ, ეგ ხო მე ვარ და ვარ…
მე ვწიმვარ, მე ვთოვვარ, მე ვყინვარ, მე ვქრივარ…
ქვეყანას რომ ვერ ვმართავ, მე ვარ…
9 წელი ვარ…
ნაციც მე ვარ, ქოციც… პრეზიდენტიც და შალვა ნათელაშვილიც…
კიდე ის ცოლიც მე ვარ, მთელი დღე ფეისბუკში რომ ვზივარ, საქმე მკიდია და სხვა კაცებს რომ ვეფლირტავები…
ისიც მე ვარ, ცუდ ლექსებს რომ ვწერ, ჩემს ლექსებზე რომ მოგნიშნავთ ხოლმე და თან პოეტი ვარ მეთქი, რომ ვყვირი…
კიდე ისიც მე ვარ, ამინი დაუწერეთ მეთქი, რომ გაძალებთ და ჩათში 33 ადამიანისთვის გასაგზავნ ტექსტებს რომ გიგდებთ….
რომ ვიგინები, ისიც მე ვარ…
ყური რომ მაქვს შენს კედელზე მიდებული, ის მეზობელიც მე ვარ….
ტექნობუმი ვარ და სარეკლამო მესიჯებს მე გიგზავნი!
პუტინი ხომ ვარ და ვარ!!!!
ტრამპიც და ბიძინაც!
მოკლედ, რამე პრეტენზია გაქვს?
მე ვარ მიზეზი!
მე წყალი ვარ… ჩაიხედე! ამ წყალში შენი დაღვლარჭნილი ანარეკლი ვარ…
მიცანი? “

დატოვეთ კომენტარი

კომენტარები

Загрузка...