მოსახლეობა ქალაქის მერიის გადაწყვეტილებას აპროტესტებს და უცნაური “ბუტკის” დაუყოვნებლივ დემონტაჟს ითხოვს.

ქალაქ ოზურგეთის მოსახლეობა ქალაქის მერიის გადაწყვეტილებას, რომლის საფუძველზეც, ქალაქის ცენტრში, “მომღერალ” ფანტანის ტერიტორიაზე მეტალო პლასტმასის ჯიხური ჩაიდგა, აპროტესტებს და ამ უცნაური “ბუტკის” დაუყოვნებლივ დემონტაჟს ითხოვს.

ამის შესახებ დღეს, ადგილზე მისულ “გურიის მოამბეს” გადამღებ ჯგუფს ჯიხურთან  შეკრებილმა მოქალაქეებმა განუცხადეს.

როგორც ქალაქის მერიის ზედამხედველობის სამსახურის წარმომადგენელმა შუქრი გაბრიჩიძემ გვითხრა, ამ “ბუტკას” ვერ შეეხებიან, რადგან კონკრეტულ ადგილზე ქალაქის მერის ნებართვით არის ჩადგმული.

“ამ “უბორნიის” აქ გაჩერება მთელი ოზურგეთის სირცხვილია”-აცხადებდნენ ადგილზე მისული მოქალაქეები და ქალაქის მერის დაუყოვნებლივ იქ მისვლას ითხოვდნენ.

მერიც მივიდა ადგილზე, თუმცა მას აგრარული ბაზრის ირგვლივ დასაქმებული გარე მოვაჭრეები გამოეკიდნენ და ეს უკანასკნელიც ისე გაიქცა, “ბუტკაზე” საუბარიც ვერ მოასწრო.

გავრცელებული ინფორმაციის შესახებ, ოზურგეთის საკრებულოს წევრმა ლეობორისტული პარტიიდან, ნათია შარაშენიძემ ასეთი კომენტარი გააკეთა:

“ქალაქის მერი კი არა, ქალაქის მტერია ბეგლარ სიორიძე”

დატოვეთ კომენტარი

კომენტარები

Загрузка...