საარჩევნო კამპანიის პარალელურად, სისტემატურად მიმდინარეობს სოციოლოგიური კვლევები, როგორც პარტიების, ასევე მაჟორიტარი დეპუტატების რეიტინგების შესახებ. ასეთ კვლევებს თითქმის ყველა პარტია აკეთებს, თუმცა, ღიად შედეგები არც ერთს გამოაქვს. მიუხედავად ამისა, ჟურნალისტებისთვის მაინც ხელმისაწვდომი ხდება ბევრი ინფორმაცია. განსაკუთრებით საინტერესოა მაჟორიტარების რეიტინგები იქ, სადაც მმართველმა პარტიამ ყოფილი ნაციონალები ჩააყენა და იქ, სადაც ოცნების კანდიდატს ყოფილი მაღალჩინოსანი ნაციონალები ებრძვიან. დღესდღეობით საქართველოში ყველაზე ხმაურიან წერტილად გორი და მცხეთა რჩება. მაჟორიტარების შესახებ ღია კვლევები არ გამოქვეყნებულა, თუმცა ჩვენ ერთ-ერთი ტელევიზიის ჟურნალისტმა, რომელზეც რამდენიმე დღის წინ დიმიტრი ხუნდაძე ოპოზიციური პარტიის წარმომადგენელთან დებატებში იჯდა, გადაცემის შემდეგ, ხუნდაძეს ოპონენტმა ფურცლები აჩვენა და ხმადაბლა უთხრა – აი, რატომ არ ვაყენებთ მცხეთაში ჩვენს კანდიდატს, რადგან კვლევები ჩავატარეთ, ვიცით, რომ მცხეთაში უკვე ყველაფერი გარკვეულია, შენ 68, ხოლო ჩოჩელს 29 % აქვს, ჩვენი ადგილი აღარ რჩებაო. ოპონენტი ხუნდაძეს ღიმილით თითს უყოლებდა იმ გრაფის გასწვრივ, სადაც ოცნების რეიტინგი იყო მითითებული. თუმცა, ხმამაღლა ციფრი არ უთქვამს. მსგავს ინფორმაციას ასეთ შეხვედრებზე თუ გავიგებთ, თორემ, პარტიები გასაიდუმლოებულად მუშაობენ. დაბალი რეიტინგების მესმის, მაგრამ საინტერესოა, რატომ მალავენ მაღალ რეიტინგებს? ეს კითხვა პირველ რიგში მმართველ პარტიას ეხება.

დატოვეთ კომენტარი

კომენტარები

Загрузка...