ბათუმში, სასტუმრო „ლეოგრანდში“ ხანძრის დროს დაღუპულების გამო, საქართველოს მთავრობასა და ქართველ ხალხს მსოფლიო ლიდერები უსამძიმრებენ.

ლიტვის საგარეო საქმეთა მინისტრმა ლინას ლინკევიჩუსმა შესაბამისი განცხადება „ტვიტერის“ ოფიციალურ გვერდზე გაავრცელა.

„ქართველ ხალხს გამძლეობას ვუსურვებ ბათუმში მომხდარი საზარელი ხანძრის გამო. ღრმა მწუხარებას გამოვთქვამ დაღუპულების გამო და ვუსამძიმრებ მათს ახლობლებს, ხოლო დაშავებულებს სწრაფად გამოჯანმრთელებას ვუსურვებ“, – წერს ლიტვის საგარეო საქმეთა მინისტრი.

 

ესტონეთის საგარეო საქმეთა სამინისტრო

„თანავუგრძნობთ ბათუმში, სასტუმროში ხანძრის დროს დაღუპულთა ახლობლებს. შემთხვევის შედეგად დაზარალებულებს სწრაფად გამოჯანმრთელებას ვუსურვებთ. ჩვენი ფიქრები ახლა საქართველოსთან არის“, – წერია ესტონეთის საგარეო საქმეთა სამინისტროს მიერ „ტვიტერზე“ გამოქვეყნებულ სამძიმრის ტექსტში.

 

 

თურქეთის პრემიერ-მინისტრი

„დიდი მწუხარებით შევიტყვე, რომ საღამოს საათებში, ბათუმის ერთ-ერთ სასტუმროში ხანძრის გამო, დაიღუპა ათზე მეტი ადამიანი და არიან დაშავებულებიც. პირადად მე და თურქეთის მთავრობა ვიზიარებთ თქვენი და მეგობარი ქართველი ხალხის მწუხარებას, მომხდარი ფაქტის გამო, ხოლო დაშავებულებს ვუსურვებ სწრაფ გამოჯანმრთელებას.

მინდა ვისარგებლო შემთხვევით და თქვენ და ქართველ ხალხს ვუსურვო ჯანმრთელობა და ბედნიერება“- ნათქვამია თურქეთის პრემიერ-მინისტრის სამძიმრის წერილში.

 

ტერეზა მეი

„ვწუხვარ ბათუმში, „ლეოგრანდის“ სასტუმროში მომხდარი ხანძრის გამო. ვუსამძიმრებ დაღუპულთა ოჯახებსა და ქართველ ხალხს“- წერს ბრიტანეთის პრემიერ-მინისტრი.

 

 

 

დატოვეთ კომენტარი

კომენტარები

Загрузка...