მსოფლიოს ყველაზე ხანდაზმული ბეჰემოთი ბერტა მანილას ზოოპარკში გარდაიცვალა. ის 65 წლის იყო. ზოოპარკის დირექტორის განცხადებით, 2.5 ტონიანი ბეჰემოთი პარასკევს იპოვეს მკვდარი ვოლიერში. ექიმების თქმით, ცხოველს რამდენიმე ორგანო ერთდროულად გაუჩერდა, რაც მისი სიკვდილის მიზეზი გახდა.
ბერტა აქ 1959 წლიდან ბინადრობა, როდესაც ზოოპარკი დაარსდა. მისი მეწყვილე 1980-იან წლებში გარდაიცვალა, ამიტომ მათ გამრავლება ვერ შეძლეს.
ადრე ხანდაზმულ ბეჰემოთად ითვლებოდა დონა, რომელიც 2012 წელს გარდაიცვალა ამერიკაში, ინდიანას შტატის ერთ-ერთ ზოოპარკში. ის 62 წლის იყო.
სალომე მგელიაშვილი

დატოვეთ კომენტარი

კომენტარები

Загрузка...