თანამედროვე აეროპორტის მშენებლობა ძვირადღირებული სიამოვნებაა. მიუხედავად ამისა, არსებობს შემთხვევები, როდესაც თანამედროვე სტანდარტების გათვალისწინებით აგებული, რამდენიმე ასეული მილიონი დოლარის ღირებულების აეროპორტი, მშენებლობის დასრულების შემდეგ წლების განმავლობაში უფუნქციოდ რჩება.
მსოფლიოში ერთ-ერთი ყველაზე უსარგებლო აეროპორტი ელენეს კუნძლზე მდებარეობს.

კუნძულის მთავრობას ის წარმოუდგენლად ძვირი, 325 მლნ დოლარი დაუჯდა. იქამდე აფრიკიდან 1 800 კმ-ით დაშორებულ კუნძულზე მოხვედრა მხოლოდ გემით შეიძლებოდა.

კუნძულის იმ ადგილას, სადაც აეროპორტი აშენდა, ყოველთვის ძლიერი ქარი უბერავს, რაც თვითმფრინავის დასმას სახიფათოს ხდის, ამიტომ აეროპორტი დრესაც მგზავრების მოლოდინშია.  კუნძულის ხელმძღვანელობა იმედოვნებს, რომ მალე ფრენები რეგულარულ ხასიათს მიიღებს.

კიდევ ერთი უსარგებლო აეროპორტი ბერლინში მდებარეობს. ვილი ბრანტის სახელობის ბერლინი-ბრანდენბურგი მგზავრებს 2014 წლიდან ელოდება. თუმცა, ამ შემთხვევაში სიტყვა “ელოდება” პირობით ხასიათს ატარებს. მშენებლობა დიდი ზარზეიმით 2006 წელს 2,38 მლრდ ევროიანი ბიუჯეტით დაიწყეს.

მშენებლობის პროცესში გაირკვა, რომ რიგ კომპანიებს მშენებლობაში მონაწილეობისთვის შესაბამისი უფლება არ ჰქონდათ. გამოძიებისას პროკურატურამ გამაოგნებელ ფაქტებს მიაკვლია. აღმოჩნდა, რომ პიროვნებას, რომელიც აეროპორტის ტერმინალებში სახანძრო სისტემის მონტაჟსა და მის გამართული მუშაობაზე იყო პასუხისმგებელი, არც შესაბამისი განათლება და არც სამუშაოების წარმოებისთვის საჭირო სერტიფიკატი ჰქონდა. ერთადერთი საბუთი, რომელიც მის, როგორც ინჟინრის კვალიფიკაციას ადასტურებდა, სავიზიტო ბარათი იყო.

 

 

დატოვეთ კომენტარი

კომენტარები

Загрузка...