მოსკოვი საქართველოსთვის სავიზო რეჟიმის გაუქმებას არ გამორიცხავს. ამის შესახებ საგანგებო განცხადებას რუსეთის საგარეო საქმეთა სამინისტრო ავრცელებს. ლავროვის უწყება  აბაშიძე-კარასინის შეხვედრას აფასებს, რომელიც 7 თებერვალს პრაღაში გაიმართა. „შეხვედრაზე გრიგორი კარასინმა კიდევ ერთხელ დაადასტურა რუსული მხარის პოზიცია სავიზო რეჟიმის გამარტივებასთან დაკავშირებით და არ გამორიცხა მისი მთლიანად გაუქმებაც. ეს დიდწილად ქართულ მხარეზე იქნება დამოკიდებული, რომელმაც ამ მიმართულებით აქტიურად უნდა იმუშაოს“, – ნათქვამია განცხადებაში.

აბაშიძე-კარასინის შეხვედრას აფასებს საქართველოს საგარეო საქმეთა სამინისტროც. დიპლომატიურ უწყებაში ადასტურებენ, რომ  საქართველოს მოქალაქეებისათვის სავიზო რეჟიმის შემდგომი გამარტივების მიზნით მუშაობა მიმდინარეობს. ამასთან, ყურადღება გამახვილებულია დოკუმენტზე – “საბაჟო ადმინისტრირებისა და სასაქონლო ვაჭრობის მონიტორინგის მექანიზმებთან დაკავშირებული ძირითადი პრინციპების შესახებ”.

მანანმდე, 2016 წლის 23 დეკემბერს ვლადიმერ პუტინმა ყოველწლიურ დიდ პრესკონფერენციაზე საქართველოს მოქალაქეებისთვის ვიზების გაუქმება არ გამორიცხა.

imedinews.ge

დატოვეთ კომენტარი

კომენტარები

Загрузка...