Manifest.ge-ზე პეტიცია გავრცელდა, რომლითაც ხელმომწერები თბილისის მერიისგან ითხოვენ, რომ მოსკოვის გამზირს არჩილ ტატუნაშვილის სახელი დაერქვას. პეტიციის ავტორი ჟურნალისტი ლადო გოგოლაძეა. ამის შესახებ 1tv-ი წერს.

“მოსკოვის გამზირს დაერქვას არჩილ ტატუნაშვილის სახელი. არჩილ ტატუნაშვილის ქუჩა, ყველაზე ლამაზი გახდება მთელს დედაქალაქში და იქნება სიმბოლო იმისა, თუ როგორ ლამაზდება ჩვენი ქვეყანა მაშინ როცა მოსკოვის გავლენიდან გამოდის”, – ნათქვამია Manifest.ge-ზე განთავსებულ პეტიციაში.

არჩილ ტატუნაშვილი 22 თებერვალს დილით ახალგორიდან გაიტაცეს, 23 თებერვალს, გამთენიისას კი, ოკუპირებული ცხინვალის ინფორმაციით, ის სუნთქვის უკმარისობით გარდაიცვალა.

ტატუნაშვილის ცხედარი ქართული მხარის მიერ კონტროლირებად ტერიტორიაზე 20 მარტს გადმოასვენეს.  ოკუპირებული რეჟიმის მსხვერპლ არჩილ ტატუნაშვილს შაბათს ქანდის სასაფლაოზე დაკრძალავენ.

დატოვეთ კომენტარი

კომენტარები

Загрузка...