ლარს ძალა გამოელია, მალე პროდუქტები 5-10%-ით გაძვირდება – ამ სათაურით გაზეთი “რეზონანსი” დღევანდელ ნომერში სტატიას ავრცელებს, რომელშიც ეროვნული ვალუტის კურზსეა საუბარი.

“ლარი ბოლო დღეების განმავალობაში უკვე 4,5 პროცენტით გაუფასურდა. სავალუტო ბაზარზე არსებული ვითარება ალოგიკურია და უკვე ქაოსის ნიშნებსაც ატარებს.

ეკონომისტები ამბობენ, რომ ასეთი ტენდენციის შენარჩუნების შემთხვევაში, შემდეგი კვირიდან სამომხმარებლო საქონელი 5-10%-ით გაძვირდება. წინასაარჩევნოდ მოსახლეობამ უცნაური სიურპრიზი მიიღო.

უეცარი გაუფასურების გამო დაბნეულნი არიან სპეციალისტებიც. კარგი ტურისტული სეზონისა და ბიუჯეტის შესრულების ფონზე, რატომ ეცემა ლარის კურსი, ამ კითხვაზე ეკონომისტ ნიკა შენგელიას პასუხის გაცემა უჭირს. დოლარი რეგიონის ყველა ვალუტის მიმართ შესუსტებულია, თუმცა საქართველოში მიმდინარეობს საწინააღმდეგო პროცესი. გაუფასურების გაგრძელება ან თუნდაც ამჟამინდელი კურსის შენარჩუნება მომდევნო კვირიდან გამოიწვევს პროდუქტების 5-10%-ით გაძვირებას”, – წერს გამოცემა.

წყარო: რეზონანსი

დატოვეთ კომენტარი

კომენტარები

Загрузка...