“ხალხის პარტიის” წევრებმა საქართველოს კანცელარიასთან საქართველოდან გადახვეწილი ემიგრანეტბის მხარდასაჭერად აქცია გამართეს, ლოზუნგით “სკაიპით გაზრდილი შვილები”.

პარტიის წევრები საქართველოს პატრიარქის ილია მეორის მიერ გაკეთებულ განცხადებას გამოეხმაურნენ  და განაცხადეს, რომ პატრიარქის ეს განცხადება საქართველოს ხელისუფელებას ეკუთვნის, რადგან პატრიარქი ყოველი ქადაგების დროს ემიგრანტებს სამშობლოში დაბრუნებისკენ მოუწოდებს.

პარტიის თავმჯდომარემ, ალექსანდრე კობაიძემ განაცხადა, რომ “ქვეყანას ძალიან მძიმე წუთები დაუდგა, საქართველოს პატრიარქმაც კი ჩვენი სამშობლოს გადახვეწილ შვილებს მოუწოდა, რომ საკუთარ ოჯახებს არ დაბრუნებოდა, მაშინ როცა ილია მეორე ჩვენს ემიგრანტებს ყოველთვის სახლში დაბრუნებისკენ მოუწოდებდა, შესაბამისად, გვრჩება შთაბეჭდილება, რომ აღნიშნული განცხადება არა პატრიარქს, არამედ ხელისუფლების წევრებს ეკუთვნის და მოვუწოდებ საქართველოს გიორგი კვირიკაშვილს, გამოვიდეს და საზოგადოებას გააგებინოს და აუხსნას თუ რა  პრობლემების წინაშე დგას ქვეყანა, ისედაც განახევრებულ საქართველოს კიდევ რატომ ანახევრებენ.”

შეგხსენებთ,რომ საქართველოს პატრიარქმა ილია II-მ  საქართველოს დიასპორის წარმომადგენლებთან შეხვედრისას ემიგრანტებს თხოვნით მიმართა:

“რამდენიმე წლის წინ მე მოგიწოდებდით, რომ დაბრუნებულიყავით სამშობლოში. ახლა მოგიწოდებთ – იყავით იქ, სადაც ბრძანდებით. მაგამ ამავე დროს, იყავით სამშობლოში. ეს საჭიროა უპირველეს ყოვლისა საქართველოსთვის. მე მინდა, მადლობა მოგახსენოთ იმ სულიერი თუ მატერიალური დახმარებისთვის, რასაც სამშობლოსთვის აკეთებთ. თქვენ უნდა დაგვეხმაროთ მცირე და საშუალო ბიზნესის შექმნაში.”- ილია II .

დატოვეთ კომენტარი

კომენტარები

Загрузка...