”სიმთვრალეზე მძღოლს ხომ ჩამოართმევენ მართვის მოწმობას, მერე უცებ გაჩნდა რაღაც შეწყალების მექანიზმი. ბევრისგან მსმენია, ვიჩალიჩე, გადავიხადე 700 ლარი და შემიწყალესო”, – აცხადებს ადვოკატი შალვა ხაჭაპურიძე “ახალ თაობასთან” ინტერვიუში:

”დაჯდა ნასვამი? იქ დამთავრდა, მან უნდა იცოდეს, რომ 5 წელიწადი საჭეს ვეღარ გაეკარება! კი ბევრია 5 წელი, მაგრამ ის კონკრეტული პირი ამით გადავარჩინეთ 5 წლიან ციხეს და ასევე ვიღაც გადავარჩინეთ მიწაში ჩადებას.

პოსტსაბჭოთა სივრცეში, რუსეთის შემდეგ, პირველ ადგილზე ვართ ავტოსაგზაო შემთხვევით. ყოველდღე 2-3 ადამიანი მაინც იღუპება. პირადად მეც რამდენიმე საქმე მაქვს ასეთი, საშინელ ფაქტებზეა საუბარი. დაფიქრდით, ხალხო, საკუთარ თავს იუბედურებთ, სხვის სიცოცხლეს სპობთ და მის ცოდვას იდებთ და გარშემო ამდენ გაუბედურებულ ადამიანს ტოვებთ! ძალიან მკაცრი სანქციები უნდა შემოვიღოთ, რომ პირველ რიგში, პოტენციური დამნაშავეები ვიხსნათ ამ საშინელებისგან. საზოგადოების მხრიდანაც არ არის სათანადო მიდგომები.

საზოგადოების გაზრდას თუ ვუცადეთ, წინ ვერ წავალთ. ჩვენი საზოგადოება იზრდება უკვე 27 წელია, მაგრამ ვერ გაიზარდა. სახელმწიფო ვერ შევქმენით. ჩვენ ვერასდროს გავიზრდებით, ეს არის ზღაპარი! უნდა გაიზარდოს ის ჯგუფი, ვინც პარლამენტში ზის და კანონებს იღებს! დროულად მოახდინოს პარლამენტმა ამ პრობლემაზე რეაგირება!”, – აცხადებს ხაჭაპურიძე.

წყარო: marshalpress.ge

დატოვეთ კომენტარი

კომენტარები

Загрузка...