მიხეილ სააკაშვილს შეიძლება ბრალად წაუყენო თუნდაც ის, რომ მარსიდან ჩამოვიდა თავის დროზე, მაგრამ მიხეილ სააკაშვილს არ შეიძლება ბრალად წაუყენო, რომ რუსეთის აგენტია, – ამის შესახებ „ერთიანი ნაციონალური მოძრაობის“ წევრმა ზაალ უდუმაშვილმა “პალიტრანიუსის“ გადაცემაში „360 გრადუსი“ განაცხადა.

მისი თქმით, მთავარი მიზანი უკრაინაში სააკაშვილის დაკავების იყო, ”რაღაც ფორმის საქმის შეთითხვნა იმისათვის, რომ მისი იზოლაცია მომხდარიყო”.

„არ არის გამორიცხული, რომ ახლა სულ სხვა საქმე წამოიწყონ სააკაშვილის წინააღმდეგ, რათა მისი ნეიტრალიზაცია მოხდეს. აქამდე რა ნაბიჯებიც გადადგეს, ყველაფერი მიხეილ სააკაშვილის სასარგებლოდ დასრულდა“, – განაცხადა ზაალ უდუმაშვილმა.

როგორც ცნობილია, კიევის პეჩერსკის სასამართლომ გუშინ უკრაინის პროკურატურის მოთხოვნა, მიხეილ სააკაშვილისთვის შინაპატიმრობის შეფარდების შესახებ არ დააკმაყოფილა. შესაბამისად, სააკაშვილი სასამართლო დარბაზიდან გაათავისუფლა.

ipn.ge

დატოვეთ კომენტარი

კომენტარები

Загрузка...