ნაციონალური მოძრაობის ლიდერი, საქართველოს ყოფილი  პრეზიდენტი, მიხეილ სააკაშვილი პარტიიდან ლიდერების ერთი ნაწილისა და წევრების წასვლას სოციალური ქსელით გამოეხმაურა და აღნიშნა, რომ  ნაციონალური მოძრაობის მრავალრიცხოვანებასა და ძალაში 20 იავარს გამრთულ  ყრილობაზე დავრწმუნდებით.

მიხეილ სააკაშვილი:

„ჩვენმა ხალხმა აჩვენა თავისი ძალა და არ დაუშვა ნაციონალური მოძრაობის ხელში ჩაგდებისა და ჩემი პარტიიდან გაშვების ივანიშვილისეული გეგმის განხორციელება.
“განდგომილების” რაოდენობა დღეს ყველამ ნახა, ხოლო ნაციონალური მოძრაობის მრავალრიცხოვანებასა და ძალაში ყველა დარწმუნდება 20 იანვრის ყრილობაზე. გიგიმ კი, რომელმაც ჩემზე უფრო მეტი ისაუბრა, ვიდრე მის ციხეში ჩამსმელ ოლიგარქზე, ოქრუაშვილი გამახსენა და ადამიანურად შემეცოდა.
დამთავრდა ნაცრის თავზე დაყრა და ლუზერების მმართველობა. პარტია ერთიანი და ძლიერია, როგორც არასდროს ბოლო 4 წლის განმავლობაში, ვინაიდან მისი კონტროლი დაიბრუნა რამდენიმე ათეულმა ათასმა აქტივისტმა.
მომავალში უნდა მივიღოთ კანონი, რომელიც საშუალებას მისცემს ამომრჩეველს, მოტყუების შემთხვევაში უკან გაიხმოს დეპუტატი.“

მოგვიანებით, მიხეილ საკაშვილის ფეისბუქის ოფიციალურ გვერდზე კიდევ ერთი სტატუსი გამოჩნდა :

„ჩემთვის დღეს არის ნაციონალური მოძრაობის გათავისუფლებისა და ხალხისთვის დაბრუნების დღე!“- განცხდა ექსპრეზიდენტმა.

დატოვეთ კომენტარი

კომენტარები

Загрузка...