სტოკჰოლმი კონცეპტუალური ხელოვნების მოყვარულებისთვის ერთ-ერთი გამორჩეული ადგილია. 

შვედეთის დედაქალაქის მეტროპოლიტენი მსოფლიოში ყველაზე დიდ გალერეადაა აღიარებული, რომლის კედლები 80-ზე მეტმა თანამედროვე მხატვარმა მოხატა.

სტოკჰოლმში მეტროპოლიტენი 1950 წელს გაიხსნა. დღეს შვედეთის დედაქალაქის მეტროპოლიტენის ხაზი 100 სადგურს აერთიანებს, რომელიც ერთმანეთს 47 მიწიქვეშა და 53 მიწისზედა ნაგებობით უკავშირდება. შვედეთის მთავრობამ 1957 წელს მეტროსადგურების მოსახატად და დასაპროექტებლად სკანდინავიელი, ფრანგი და ისლანდიელი მხატვრები და არქიტექტორები მიიწვია. 60 წლის წინ შვედეთმა ხელოვნების თავისუფლების იდეის მიმართ მხარდაჭერა ამ ფორმით გამოხატა.

სტოკჰოლმის ერთ-ერთი გამორჩეული სადგურია „მეფის ბაღი“, რომელიც ქალაქის ცენტრში მაკალოსის სასახლის ადგილას მდებარეობს. სასახლე, რომელიც შვედეთის დიდგვაროვნების – დელაგარდის ოჯახს ეკუთვნოდა, მე-17 საუკუნეში ხანძრის შედეგად განადგურდა. სადგური შვედმა მხატვარმა ულრიკ სამუელსონმა მოხატა და „მეფის ბაღი“ უწოდა.

მეწამულ ფერში მოხატული „სოლნა-ცენტრუმი“ 120 მაღაზიას, ბარ-რესტორანსა და 40-მდე ოფისს აერთიანებს. „სოლნა-ცენტრუმი“ მხატვრებმა კარლ ოლოვ-ბიორკმა და ანდერს აუბერგმა 1970-იანი წლების ბოლოს მოხატეს. მეწამული ფერი იმ პერიოდში ბალტიის ზღვის ეკოლოგიურ დაბინძურებას გამოხატავდა.

პირველყოფილებისა და ველური ბუნების სინთეზი ოლე აუნგკვისტმა „ალბის“ მეტროსადგურის კედლებზე ასახა. ყვავილები, ხეები, მხეცების ფიგურები და ორნამენტული სიმბოლიკა სკანდინავიელმა მხატვარმა მწვანე ფერის დომინირებით წარმოაჩინა.

განსაკუთრებით შთამბეჭდავია ჰოგდალენსის სადგურზე ბრონზის გიგანტური ტიტების ქანდაკებები, რომელიც შვედ არქიტექტორს, ბირგიტა კრისტინა მუჰრს ეკუთვნის. რკინის ტიტები სტოკჰოლმის გარეუბანში 2002 წელს დაიდგა.

სტოკჰოლმის მეტროსადგურებს შორის ერთ-ერთი ყველაზე დიდი „ოლიმპიური მოედანია“, რომელიც მსოფლიოში ცისარტყელის ფერებით მოხატული ცისფერი თაღით გახდა ცნობილი. „შვედური ცისარტყელა“ მხატვარ კარლ აკე პალარპის და არქიტექტორ ენნო ჰალეკის ერთობლივი ნამუშევარია.

დატოვეთ კომენტარი

კომენტარები

Загрузка...